Мінулай ноччу ў трох населеных пунктах Беларусі тэмпература апусцілася да рэкордных адзнак
27 красавіка, Позірк. Тры рэкорды холаду зафіксавана мінулай ноччу на беларускіх метэастанцыях, сведчыць праведзены “Позіркам” параўнальны аналіз аператыўных і архіўных даных Белгідрамета.
У Шаркаўшчыне тэмпература апусціла да 4 градусаў марозу. Ранейшы лакальны мінімум трымаўся з 27 красавіка 2003 года (-3,1).
Абнавіўся антырэкорд 47-гадовай даўніны ў Лынтупах (-3,7 супраць -3,5).
Новы экстрэмум адзначаны ў Мсціславе (-2,3 супраць -0,9 у 2021 годзе).
