Мінулай ноччу ў Беларусі паўтораны гістарычны рэкорд холаду 125-гадовай даўніны
16 траўня, Позірк. Пасля невялікага перапынку ў Беларусі аднавіліся начныя замаразкі.
У ноч на 16 траўня на метэастанцыі “Палеская“ ў Лунінецкім раёне Брэсцкай вобласці тэмпература апусцілася да 2 градусаў марозу. Тым самым паўтарыўся гістарычны рэкорд ночы, зафіксаваны ў 1900 годзе ў Мінску, сведчыць праведзены “Позіркам“ параўнальны аналіз аператыўных і архіўных звестак Белгідрамета. Столькі ж было ў Нарачы на поўначы Мінскай вобласці ў 2006 годзе.
Уначы 17 траўня Белгідрамет прагназуе слабы плюс, 18 і 19 траўня — зноў замаразкі да -2.