Патрыярх Кірыл, які падтрымлівае вайну супраць Украіны, наведае Беларусь у чэрвені
28 мая, Позірк. Візіт у Беларусь Патрыярха Маскоўскага і ўсяе Русі Кірыла абмеркавалі 28 мая пасол Расіі Барыс Грызлоў і Патрыяршы Экзархам усяе Беларусі, мітрапаліт Мінскі і Заслаўскі Веніямін, паведамляе прэс-служба дыпмісіі.
Паводле інфармацыі расійскага дзяржагенцтва “Спутник”, гэта адбудзецца ў пачатку чэрвеня. Чакаецца, што прадстаяцель РПЦ прыме ўдзел у святкаванні 900-годдзя з дня заснавання Спаса-Еўфрасіннеўскага жаночага манастыра ў Полацку (Віцебская вобласць).
Таксама абмеркаваная “асноватворная роля праваслаўя як адзінага духоўнага пачатку, які аб’ядноўвае расіян і беларусаў“.
Быў падкрэслены “прыярытэтны характар сістэмнай работы па абароне традыцыйных каштоўнасцяў, выхаванні патрыятызму, фарміраванні ў маладога пакалення трывалых маральных асноў асабістага і грамадскага жыцця”.
Таксама размова ішла аб дабрачынных і гуманітарных праектах, рэалізаваных Пасольствам сумесна з Беларускім Экзархатам, і “шэраг новых ініцыятыў у духоўна-культурнай сферы“.
Патрыярх Маскоўскі і ўсяе Русі Кірыл неаднаразова наведваў Беларусь з афіцыйнымі візітамі. Апошні раз ён быў у краіне ў чэрвені 2022 года-удзельнічаў ва ўрачыстасцях, прысвечаных 1030-годдзю праваслаўя на беларускіх землях і ўстанове Полацкай епархіі.
Некаторыя ініцыятывы Беларускай Праваслаўнай Царквы наўпрост падтрымліваюць “рускі мір” і расійскую вайсковую агрэсію ва Украіне. Напрыклад, Свята-Елісавецінскі манастыр арганізуе канцэрты ў падтрымку Расійскай арміі і збірае харчы і сродкі для расійскіх вайскоўцаў.
Публічна манастыр паведамляе пра “гуманітарную дапамогу” жыхарам Данбаса.
Праваслаўе дамінуе сярод канфесій у Беларусі.
Мінск падтрымлівае Маскву ў развязанай ёю ў лютым 2022 года поўнамаштабнай вайне супраць Украіны. Патрыярх Кірыіл неаднаразова дапускаў ухвальныя выказванні ў бок узброенай агрэсіі. РПЦ у РФ штодня моліцца аб“перамозе”.
З пачатку восені 2020 года па 28 красавіка 2025-га, Паводле дадзеных ініцыятывы “Хрысціянская візія“, з рэпрэсіямі ў Беларусі ў той ці іншай форме сутыкнулася 89 хрысціянскіх служыцеляў: рымска-каталіцкага касцёла — 34, евангельскіх цэркваў — 30, праваслаўнай царквы — 20, Грэка-каталіцкай царквы — пяць.
Святар Георгій Рой: У праваслаўя ў Беларусі ёсць перспектывы па-за рускай царквой
27 траўня, Позірк. У праваслаўя ў Беларусі ёсць перспектывы па-за рускай царквой і “рускім светам”, заявіў святар Георгій Рой. 27 траўня ён выступіў на анлайн-дыскусіі “Беларускія рэлігійныя супольнасці ў цені “рускага свету”. Паводле слоў Роя, пасля падзей 2020 года рэлігійная грамадскасць Беларусі …
