30 чэрвеня, Позірк. Аляксандр Лукашэнка 30 чэрвеня ўзгадніў прызначэнне 15 новых прадстаўнікоў кіроўнага складу мясцовых выканаўчых і распарадчых органаў.
Неафіцыйны тэлеграм-канал прэс-службы палітыка паведамляе, што намеснікам старшыні Брэсцкага аблвыканкама стаў Віктар Рафаловіч, Гродзенскага аблвыканкама — Андрэй Болтрык.
На пасаду старшыні Дзяржынскага райвыканкама ўзгоднены Мікіта Рэут, Крупскага — Вячаслаў Лапатка, Мінскага — Дзяніс Калясень, Стаўбцоўскага — Андрэй Атрушкевіч, Пухавіцкага — Аляксандр Маеўскі, Горацкага — Мікалай Арлёнак, Ганцавіцкага — Павел Ваўчок, Буда-Кашалёўскага — Валянцін Ундруль, Рагачоўскага — Аляксандр Атрошанка, Хойніцкага — Дзмітрый Шпігановіч, Чачэрскага — Сяргей Гайкоў.
Кіраўніком адміністрацыі Савецкага раёна Гомеля стаў Сяргей Андрэеў, адміністрацыі Цэнтральнага раёна Гомеля — Дзмітрый Згурскі.
Лукашэнка заклікаў прызначаных чыноўнікаў быць актыўнымі: “Яшчэ раз, мужыкі, паўтараю — дзейнічайце! Сёння сітуацыя такая, што нам трэба дзейнічаць. Калі нават не атрымаецца, людзі прабачаць. Але калі мы нічога рабіць не будзем, людзі нам гэтага не прабачаць. Таму толькі наперад”.
Аўтарызавацца
Забыліся пароль?
Выхад з профілю
