Аранжавы ўзровень небяспекі падоўжаны на 11 ліпеня

10 ліпеня, Позірк. На большай частцы тэрыторыі Беларусі 11 ліпеня чакаюцца навальніцы, месцамі моцныя ліўні і шквалістае ўзмацненне ветру парывамі 15–20 м/с, у асобных раёнах — 21–24 м/с, у дзённыя гадзіны месцамі — град, паведамляе Белгідрамет.

Такія ўмовы з’явы, паводле даных метэаслужбы, адпавядаюць аранжаваму ўзроўню небяспекі.

Свае рэкамендацыі насельніцтву ў сувязі з гэтым традыцыйна апублікавала МНС.

Аранжавы ўзровень небяспекі ва ўсёй краіне або асобных рэгіёнах аб’яўляецца Белгідраметам штодня з 7 ліпеня. На 10 ліпеня ён абвешчаны па ўсёй тэрыторыі, за выключэннем заходняй часткі Віцебскай вобласці.

10 ліпеня ў выніку падзення дрэва ў Магілёве падчас непагадзі загінула 32-гадовая жанчына.

У шэрагу населеных пунктаў працягваецца работа па аднаўленні парушанага стыхіяй энергазабеспячэння, зафіксаваныя падзенні дрэў і пашкоджанні дамоў.