29 ліпеня, Позірк. Пра затрыманне паводле падазрэння ў махлярстве 24-гадовага грамадзяніна Беларусі і 22-гадовага грамадзяніна Украіны паведаміла чацвёртая раённая Камендатура паліцыі Варшавы.
Паводле папярэдніх звестак, да праваахоўнікаў звярнуўся мужчына, які паведаміў, што стаў ахвярай махляроў. Пасля званка нібыта супрацоўніка банка ён перадаў невядомаму кур’еру 50 тыс. злотых (прыблізна 11,7 тыс. еўра), а таксама даныя дзвюх банкаўскіх картак з PIN-кодамі.
У ходзе вышуку паліцыя выйшла на беларуса. Падчас ператрусу ў яго на працоўным месцы канфіскавана больш за 46 тыс. долараў у эквіваленце ў розных валютах.
Падчас следчых дзеянняў у офіс прыйшоў другі фігурант, які прынёс пасылку з грашыма на агульную суму 39 тыс. злотых (больш за 9,1 тыс. еўра). Паводле яго слоў, ён і раней збіраў наяўныя ў розных асоб і дастаўляў іх у офіс, гаворыцца ў рэлізе.
Затрыманым выстаўлены крымінальныя абвінавачванні ў махлярстве.
Пракуратура абрала для абодвух падазраваных меру стрымання ў выглядзе ўзяцця пад варту тэрмінам на тры месяцы.
16 ліпеня паведамлялася, што супрацоўнікі патрульна-паставой службы варшаўскага раёна Бемова затрымалі грамадзяніна Беларусі, падазраванага ў махлярстве з выкарыстаннем сістэмы мабільных плацяжоў BLIK. У яго былі канфіскаваныя больш за 10 тыс. злотых наяўнымі і мабільны тэлефон.
Аўтарызавацца
Забыліся пароль?
Выхад з профілю
