За першую палову 2025 года злачыннасць знізілася амаль на 17% — СК

1 жніўня, Позірк. За першую палову 2025 года злачыннасць у Беларусі знізілася амаль на 17%, да крымінальнай адказнасці прыцягнута 15.399 чалавек, паведамляе прэс-служба Следчага камітэта па выніках праведзенага 1 жніўня пасяджэння калегіі ведамства.
У агульнай структуры злачынстваў палову склалі злачынствы супраць уласнасці.
Адзначаецца, што за першае паўгоддзе кампенсавана каля 90% шкоды, нанесенай дзяржаве, у казну паступіла больш за 58 млн рублёў. Пры гэтым па ўсіх крымінальных справах таксама вырасла кампенсацыя маёмаснай шкоды, сума перавысіла 70 млн рублёў.
Паводле звестак СК, раскрытая чацвёртая частка кіберзлачынстваў, колькасць якіх зменшылася на 18,5%. У структуры цяжкіх і асабліва цяжкіх злачынстваў яны складаюць 25%.
За шэсць месяцаў бягучага года здзейснена 8.231 такое злачынства (10.099 за студзень — чэрвень 2024-га), паведаміў начальнік упраўлення па наглядзе за аператыўна-вышуковай дзейнасцю і выкананнем законаў у дзейнасці органаў дазнання Генеральнай пракуратуры Сяргей Замара на прэс-канферэнцыі 24 ліпеня.
Удзельная вага кіберзлачынстваў складае 27%. Сярод іх пераважаюць махлярства з выкарыстаннем інфармацыйна-камунікацыйных тэхналогій (4.298, або 52%) і крадзяжы, якія здзяйсняюцца шляхам мадыфікацыі кампутарнай інфармацыі (3,3 тыс.; 40%).
У першым паўгоддзі сума нанесенай кіберхішчэннямі шкоды склала, па словах прадстаўніка нагляднага органа, каля 40 млн рублёў.
Намеснік начальніка ўпраўлення касацыйнай і нагляднай вытворчасці Генпракуратуры Юлія Харчэйкіна паведаміла, што з 816 асуджаных у 2024 годзе за махлярства 360 выкарыстоўвалі інфармацыйна-камунікацыйныя тэхналогіі (44,1%).
Гл. таксама:
Махляры пераводзяць выкрадзеныя ў беларусаў грошы ў асноўным у расійскія банкі — СК

- Палітыка
- Эканоміка
- ЭканомікаКурс наяўнага долара паказаў месячны рост упершыню пасля лістапада 2024 года (падрабязна)Матэрыял даступны толькі падпісчыкам ПОЗІРК+
- Грамадства
- Палітыка
- Палітыка
- Палітыка
- Палітыка
- Палітыка
- Палітыка
- ПалітыкаДэмсілы Беларусі зацікаўленыя больш узаемадзейнічаць з ПА АБСЕ — Ціханоўская (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаЦіханоўская абмеркавала са спікерам фінскага парламента важнасць падтрымкі праеўрапейскіх настрояў сярод беларусаўМатэрыял даступны толькі падпісчыкам ПОЗІРК+
- Грамадства, Палітыка
- Палітыка
- Грамадства
- Эканоміка
- Грамадства, Палітыка
- Грамадства, Палітыка
- Грамадства, ЭканомікаУ першай палове 2025 года ў Беларусі звольнена на 7% працаўнікоў больш, чым нанятаМатэрыял даступны толькі падпісчыкам ПОЗІРК+
- Палітыка