Адзін чалавек загінуў, іншы шпіталізаваны ў выніку аўтааварыі на МКАД

2 жніўня, Позірк. Смяротная аўтамабільная аварыя адбылася каля 11:20 2 жніўня на Мінскай кальцавой дарозе, паведамляе сталічная Дзяржаўтаінспекцыя.

Паводле папярэдняй інфармацыі ведамства, 19-гадовы кіроўца аўтамабіля “Сеат”, “рухаючыся ў раёне 4-га км знешняга кальца МКАД, не даў рады кіраванню, выехаў за межы праезнай часткі” і ўехаў ў асвятляльную мачту.

“Ад атрыманых цялесных пашкоджанняў кіроўца <…> памёр на месцы здарэння, 21-гадовы пасажыр дастаўлены ва ўстанову аховы здароўя для абследавання”, — гаворыцца ў паведамленні.

Абставіны здарэння на месцы высвятляюць супрацоўнікі аддзела ДАІ Партызанскага РУУС, прадстаўнікі МНС і следча-аператыўная група.