Актыўнасць мігрантаў на мяжы Беларусі і ЕС у першы тыдзень жніўня вырасла амаль на траціну ў параўнанні з першым тыднем ліпеня
10 жніўня, Позірк. Амаль на траціну вырасла зафіксаваная актыўнасць нелегальных мігрантаў на мяжы Беларусі і Еўрасаюза ў першы тыдзень жніўня 2025 года ў параўнанні з першым тыднем ліпеня, сведчыць праведзены “Позіркам“ аналіз аператыўных звестак памежных службаў Латвіі, Літвы і Польшчы.
Агулам зарэгістравана 1.330 спробаў супраць 1.010 (+31,7%). На польскім напрамку адзначаны рост на 87,2% (1.009 супраць 539), на латвійскім — зніжэнне на 34,1% (282 супраць 428), на літоўскім — зніжэнне на 9,3% (39 супраць 43).
