Праз сухое надвор’е ў у 25 раёнах Беларусі забаронена наведваць лясы

7 верасня, Позірк. Праз сухое надвор’е у 25 са 118 раёнаў Беларусі забаронена наведванне лясоў, яшчэ ў 70 — абмежаванае, сведчыць праведзены “Позіркам” аналіз актуальнай (на 7 верасня) мапы на сайце Міністэрства лясной гаспадаркі.

Найбольш складаная сітуацыя ў Гомельскай вобласці, дзе няма раёнаў са свабодным наведваннем лясоў. У Рэчыцкім, Хойніцкім, Лоеўскім і Брагінскім яно абмежаванае, у астатніх 17 — забароненае.

У Брэсцкай вобласці бесперашкодна можна наведваць толькі лясы Баранавіцкага раёна. У 9 раёнах уведзеныя абмежаванні, у 6 — забарона.

У Магілёўскай вобласці забарона ўведзеная ў Клічаўскім раёне, свабодны доступ захоўваецца ў Шклоўскім, на астатняй тэрыторыі рэгіёну дзейнічаюць абмежаванні.

У Мінскай вобласці забаронена наведваць лясы Слуцкага раёна, дазволена бесперашкодна — у Маладзечанскім, Стаўбцоўскім, Бярэзінскім і Чэрвеньскім, на астатняй тэрыторыі ўведзеныя абмежаванні.

У Віцебскай і Гродзенскай абласцях забаронаў няма. У першым рэгіёне абмежаванні дзейнічаюць у 12 з 21 раёна, у другім — у 10 з 17.

Увядзенне абмежаванняў азначае, што лясы нельга наведваць на аўтамабілі, там нельга распальваць вогнішчы.

Паводле прагнозу Белгідрамета, 7 і 8 верасня без ападкаў, 9 верасня дажджы чакаюцца ноччу ў гатэльных раёнах на паўднёвым захадзе, днём — месцамі па паўднёвай палове. 10 верасня ападкі магчымыя месцамі па краіне.