Затрыманы мужчыны, якія напаілі кока-колай аленя ў сталічным заапарку

18 верасня, Позірк. Затрыманыя жыхары Віцебскай вобласці 50 і 52 гадоў, якія ў заапарку Мінска напаілі кока-колай аленя, паведамляе прэс-служба ГУУС Мінгарвыканкама.

Мужчыны размясцілі ролік з запісам сваіх дзеянняў у інтэрнэце, а пасля атрымання негатыўных каментароў выдалілі. Аднак да таго часу відэа ўжо распаўсюдзілася ў сацсетках.

Відэа было знойдзена супрацоўнікамі мінскай міліцыяй “падчас маніторынгу”. На ім, адзначаецца ў рэлізе, было бачна, што героі “цягнуць жывёлу за рогі і, як мяркуецца, пояць яе газаваным напоем”.

Прэс-служба апублікавала таксама відэа з паказаннямі мужчын. Яны адзначаюць, што напярэдадні ўжывалі алкаголь і не задумваліся аб наступствах сваіх учынкаў.