У Беларусь паступіла кітайская вакцына ад ВПЧ
1 кастрычніка, Позірк. У Беларусь паступіла кітайская вакцына Cecolin (Цэкалін) ад віруса папіломы чалавека (ВПЧ), паведаміла на прэс-канферэнцыі 1 кастрычніка ў Мінску намесніца галоўнага ўрача па эпідэміялогіі Рэспубліканскага цэнтра гігіены, эпідэміялогіі і грамадскага здароўя Ала Дашкевіч.
Медык паведаміла, што 30 верасня прэпарат пачалі размяркоўваць па ўстановах аховы здароўя.
Cecolin распрацаваная кампаніяй Xiamen Innovax Biotech Co., Ltd. (горад Сямынь, правінцыя Фуцзянь). Атрымала прадкваліфікацыю Сусветнай арганізацыі аховы здароўя (СААЗ). Выкарыстоўваецца ў Кітаі, а таксама краінах з нізкім і сярэднім узроўнем даходу; у ЕС не прымяняецца.
