Дэпутат Еўрапарламента: Месца Лукашэнкі — перад міжнародным трыбуналам у Гаазе

22 кастрычніка, Позірк. Месца Аляксандра Лукашэнкі — перад міжнародным трыбуналам у Гаазе, ён “павінен адказваць там, а не шукаць сабе месца ў палітычных колах“. Такую заяву зрабіў на дэбатах па рэзалюцыі Еўрапейскага парламента “Аб сітуацыі ў Беларусі праз пяць гадоў пасля фальсіфікаваных прэзідэнцкіх выбараў” 22 кастрычніка ў Страсбургу (Францыя) польскі дэпутат Анджэй Халіцкі.

Парламентарый назваў Лукашэнку дыктатарам і ўзурпатарам, “таму што ён ведае і мы ведаем, што ў 2020 годзе ён прайграў выбары і скраў прэзідэнцкую пасаду“.

Дэпутат выказаў надзею на вызваленне палітвязняў у Беларусі, пры гэтым падкрэсліў эфектыўнасць санкцый.

Паводле слоў яшчэ аднаго польскага дэпутата Міхала Кабоскі, пяць гадоў, якія прайшлі пасля прэзідэнцкіх выбараў у Беларусі, “сталі траўмай не толькі для беларусаў, але і для Еўропы, якая назірае за гэтым жахам, які разыгрываецца адным-адзіным акцёрам“.

“Мы дазваляем Лукашэнку смяяцца нам у твар. У сваіх інтэрв’ю ён цынічна заяўляе, што яму пляваць на санкцыі; ён абыходзіць іх праз сетку пасярэднікаў, праз крыптавалюты. Я рады, што рэзалюцыя ўтрымлівае настойлівы заклік да ўзмацнення жорсткасці і пашырэння санкцый. У нас ёсць інструменты“, — падкрэсліў дэпутат, адзначыўшы, што “санкцыі самі па сабе не з’яўляюцца мэтай, галоўнае — гэта людзі“.

Іншыя падрабязнасці даступныя падпісчыкам “Позірк+” (калі спасылка не працуе, карыстайцеся, калі ласка, гэтай)