Вайна супраць Еўропы можа распачацца ў 2027–2030 гадах, у Беларусі да яе ўжо рыхтуюць дзяцей — BelPol
Мацвей Купрэйчык і Павел Латушка
23 кастрычніка, Позірк. Вайна супраць Еўропы можа распачацца ў 2027–2030 гадах, да яе ўжо рыхтуюць дзяцей — з дапамогай мілітарызацыі навучання ў беларускіх школах, заявіў прадстаўнік аб’яднання BelPol Мацвей Купрэйчык 23 кастрычніка на анлайн-прэзентацыі даклада “Дзеці без будучыні: мілітарызацыя дзяцінства ў Беларусі”.
BelPol падрыхтаваў гэты дакумент разам з Народным антыкрызісным упраўленнем (НАУ).
Купрэйчык падкрэсліў, што ў вайне можа быць “задзейнічаны беларускі кантынгент”.
У святле таго, што ў Беларусі дзейнічаюць кадэцкія вучэльні, класы “вайскова-патрыятычнай накіраванасці”, у школах уведзеныя стаўкі кіраўнікоў па вайскова-патрыятычным выхаванні, Купрэйчык выказаў меркаванне, што сілавікі рыхтуюць “сабе на працягу апошніх 5 гадоў замену або дадатковае гарматнае мяса, якое трэба будзе выкарыстаць”.
