За дзевяць месяцаў 2025 года ў Беларусі звольнена на 3,2% работнікаў больш, чым працаўладкавана

3 лістапада, Позірк. У студзені — верасні 2025 года колькасць звольненых у Беларусі работнікаў перавысіла колькасць нанятых на 3,2% (600.107 супраць 581.230 адпаведна), вынікае з праведзенага “Позіркам” аналізу звестак Нацыянальнага статыстычнага камітэта.

За год новае месца атрымала на 17,5% больш работнікаў (рост з 494.774 за дзевяць месяцаў 2024-га да 581.230 за аналагічны перыяд 2025-га).

Станоўчая дынаміка зафіксаваная ва ўсіх рэгіёнах і сталіцы: у Мінску на 24,4% (з 119.012 да 148.078), Віцебскай вобласці — на 15,3% (з 52.448 да 60.486), Брэсцкай — на 15% (з 66.580 да 76.581), Гомельскай — на 14,2% (з 65.631 да 74.956), Магілёўскай — на 12,3% (з 49.949 да 56.071), Мінскай — на 12,1% (з 86.327 да 104.404), Гродзенскай — на 10,6% (з 54.827 да 60.654).

Разам з тым колькасць звольненых за ўказаны перыяд павялічылася на 11,8% (з 536.718 да 600.107): у Мінску — на 18,3% (з 123.495 да 146.110), Мінскай вобласці — на 11,5% (з 93.438 да 104.221), Гомельскай — на 11,3% (з 72.312 да 80.509), Віцебскай — на 11,1% (з 59.231 да 65.793), Брэсцкай — на 10,4% (з 72.556 да 80.086), Магілёўскай — на 7% (з 55.798 да 59.718), Гродзенскай — на 6,3% (з 59.888 да 63.670).

Такім чынам, было звольнена больш работнікаў у пяці рэгіёнах: у Віцебскай вобласці на 8,8% (65.793 звольненых супраць 60.486 нанятых), Гомельскай — на 7,4% (80.509 і 74.956 адпаведна), Магілёўскай — на 6,5% (59.718 і 56.071), Гродзенскай — на 5% (63.670 і 60.654), Брэсцкай — на 4,6% (80.086 і 76.581).

У Мінску і Мінскай вобласці больш было нанятых, чым звольненых — на 18,3% (148.078 нанятых 146.110 звольненых) і на 11,5% (104.404 і 104.221) адпаведна.

У верасні 2025 года ў беларускай эканоміцы было занята 4 млн 151 тыс. чалавек — на 5,2 тыс. менш, чым у жніўні (4 млн 156,2 тыс.; -0,13%), сведчыць праведзены “Позіркам” аналіз даных Белстата.

У студзені 2025 года ў эканоміцы было занята 4 млн 131,6 тыс. чалавек, у лютым — 4 млн 141 тыс., сакавіку — 4 млн 146,2 тыс., красавіку — 4 млн 135,8 тыс., траўні — 4 млн 122,1 тыс., чэрвені — 4 млн 149,7 тыс., ліпені — 4 млн 148 тыс.

У трэцім квартале 2025 года ўзровень занятасці ў эканоміцы насельніцтва ў працаздольным узросце склаў 85,7% — на 1,2 працэнтнага пункта больш, чым за першае паўгоддзе (84,5%), вынікае з праведзенага “Позіркам” аналізу звестак Белстата паводле вынікаў рэгулярнага выбарачнага абследавання хатніх гаспадарак.

Сярод жанчын гэты паказчык склаў 86,1% (85,8%; +0,3 п.п.), мужчын — 85,3% (85,2%; +0,1 п.п.); гарадскога насельніцтва — 85,8% (84,5%; +1,3 п.п.), сельскага — 85,3% (84,2%; +1,1 п.п.).

Узровень беспрацоўя склаў 2,4% (3,1%; -0,7 п.п.). Паведамлялася, што беспрацоўнымі было 2,8% мужчын (2,4%; +0,4 п.п.) і 2% жанчын (2,2%; -0,2 п.п.).

У гарадах не мела працы 2,6% насельніцтва ў працаздольным узросце (2,7%; -0,1 п.п.), у сельскай мясцовасці — 1,8% (2,7%; -0,9 п.п.).

Узровень беспрацоўя, разлічаны ў адпаведнасці з метадалогіяй Міжнароднай арганізацыі працы, знізіўся за квартал на 0,2 п.п. (з 2,6% да 2,4%).

За апошнія пяць гадоў на беларускім рынку працы колькасць свабодных месцаў павялічылася ў 1,93 раза (з 83.571 у 2019-м да 161.281 у 2024-м), паказаў праведзены “Позіркам” аналіз даных Белстата.

У 2024 годзе на дадаткова ўведзеныя працоўныя месцы было нанята 18.386 чалавек — на 46,6%, або ў 1,87 раза, менш, чым у 2019-м (34.433).