Упершыню за апошнія 8 месяцаў Польшча не зафіксавала спробаў нелегальнай міграцыі з тэрыторыі Беларусі

16 лістапада, Позірк. 14 лістапада стала першым за амаль восем з паловай месяцаў днём (пасля 4 сакавіка), калі Польская памежная служба не зафіксавала ніводнай спробы нелегальнага пераходу з тэрыторыі Беларусі, сведчыць праведзены “Позіркам” параўнальны аналіз штодзённых звестак ведамства.

13 лістапада было прадухілена 29 спробаў, 12-га — 39, 11-га — 19, 10-га — 14, 9-га — 23, 8-га — 8.

Трохзначная колькасць апошні раз фіксавалася 17 кастрычніка (100).

Зніжэнне напружанасці на беларуска-польскай мяжы назіраецца на фоне рашэння Варшавы аднавіць 17 лістапада працу двух пунктаў пропуску — Кузніца Беластоцкая (Брузгі) і Баброўнікі (Бераставіца). У Міністэрстве ўнутраных спраў і адміністрацыі (МУСіА) Польшчы лічаць, што пераходы могуць быць зноў адкрытыя, паколькі ўсходняя мяжа Польшчы і Еўрапейскага саюза стала больш бяспечнай, чым калі-небудзь раней.

Іншая актуальная статыстыка нелегальнай міграцыі даступная падпісчыкам “Позірк+” (калі спасылка не працуе, карыстайцеся, калі ласка, гэтай)