За год аб’ём складскіх запасаў вырас на траціну, за пяць гадоў — больш чым удвая
17 лістапада, Позірк. Па выніках студзеня — кастрычніка 2025 года аб’ём складскіх запасаў прамысловай прадукцыі ў грашовым выражэнні склаў 11 млрд 311 млн 847 тыс. рублёў — на 32,7% больш, чым за аналагічны перыяд 2024-га (8 млрд 523 млн 215 тыс.), і ў 2,2 раза, чым за дзевяць месяцаў 2020-га (5 млрд 146 млн 263 тыс.), вынікае з праведзенага “Позіркам” аналізу даных Нацыянальнага статыстычнага камітэта.
Найгоршая дынаміка ў гадавым выражэнні зафіксаваная ў Гродзенскай і Магілёўскай абласцях — рост на 70,7% (з 989 млн 725 тыс. да 1 млрд 689 млн 122 тыс.) і 61,3% (з 595 млн 117 тыс. да 960 млн 149 тыс.) адпаведна.
Далей: Гомельская вобласць — на 31% (з 786 млн 789 тыс. да 1 млрд 31 млн 83 тыс.), Брэсцкая — на 29,2% (з 1 млрд 167 млн 343 тыс. да 1 млрд 507 млн 989 тыс.), Мінск — на 23,8% (з 1 млрд 955 млн 643 тыс. да 2 млрд 421 млн 589 тыс.), Віцебская — на 23,4% (з 853 млн 432 тыс. да 1 млрд 53 млн 156 тыс.), Мінская — 21,8% (з 2 млрд 175 млн 166 тыс. да 2 млрд 648 млн 759 тыс.).
