Другі дзень запар суседнія краіны ЕС не фіксуюць спробаў незаконнага пераходу мігрантаў з тэрыторыі Беларусі

20 лістапада, Позірк. Другі дзень запар суседнія краіны ЕС не фіксуюць спробаў незаконнага пераходу мігрантаў з тэрыторыі Беларусі, сведчыць праведзены “Позіркам“ аналіз аператыўных звестак іх памежных службаў.

У 2025 годзе спакойна на ўсёй мяжы ЕС з Беларуссю было шэсць дзён— 10, 13, 17, 22, 23 студзеня і 4 сакавіка.

Літва з пачатку лістапада не зарэгістравала ніводнай спробы нелегальнага пранікнення на сваю тэрыторыю.

Польшча паведамляе пра адсутнасць спробаў пераходу мяжы па-за пунктамі пропуску тры дні запар (17-19 лістапада).

Латвія апошні раз зафіксавала нелегалаў 17 лістапада (3 — мінімальны паказчык за апошнія паўтара тыдня).

Вырашэнне праблемы нелегальнай міграцыі было адной з умоваў адкрыцця мяжы Польшчай (дадатковых пунктаў пропуску, здзейснена 17 лістапада) і Літвой (абодвух пунктаў, якія яшчэ працавалі, але таксама былі закрытыя напрыканцы кастрычніка да канца бягучага месяца; здзейснена 20 лістапада).

Іншая актуальная статыстыка даступная падпісчыкам “Позірк+” (калі спасылка не працуе, карыстайцеся, калі ласка, гэтай)