70-гадовы пешаход загінуў у ДТЗ у Віцебску

2 снежня, Позірк. Аб смяротным дарожна-транспартным здарэнні ў Віцебску паведамляе Дзяржаўтаінспекцыя.

Аварыя адбылася 1 снежня каля 18 гадзін на скрыжаванні вуліцы Смаленскай і праспекта Фрунзэ.

“Кіроўца 1978 года нараджэння, кіруючы аўтамабілем “Форд”, учыніў наезд на 70-гадовага мужчыну, які пераходзіў праезную частку дарогі па рэгуляваным пешаходным пераходзе на дазваляльны сігнал святлафора”, — гаворыцца ў паведамленні.

У выніку наезду пешаход памёр на месцы здарэння.

Па факце ДТЗ праводзіцца праверка.

Як раней паведамляў Следчы камітэт, у першым паўгоддзі гэтага года ў Беларусі зафіксавана зніжэнне колькасці дарожна-транспартных здарэнняў і пацярпелых у іх людзей, аднак павялічылася колькасць загінулых. Значны рост колькасці ДТЗ назіраецца ў Гомельскай вобласці, загінулых — у Мінску, а параненых — у Мінскай вобласці. Дакладныя лічбы не называліся.

Начальнік галоўнага ўпраўлення ДАІ МУС Віктар Ротчанкаў 21 кастрычніка паведаміў, што ў 2024 годзе ў ДТЗ у Беларусі загінулі 434 чалавекі.