Ціханоўская: Дыктатуры кіруюць страхам, мы адказваем салідарнасцю

20 снежня, Позірк. “Дыктатуры кіруюць страхам, мы адказваем салідарнасцю”, — адзначыла беларускі дэмакратычны лідар Святлана Ціханоўская ў Міжнародны дзень салідарнасці людзей (20 снежня).

“Я выказваю павагу беларусам, якія дапамагаюць палітычным зняволеным, падтрымліваюць іх сем’і і ўтрымліваюць нашае грамадства ад распаду ва ўмовах жорсткіх рэпрэсій. Глабальная салідарнасць падтрымлівае нашу барацьбу за свабоду”, — напісала палітык на сваёй старонцы ў сацыяльнай сетцы Х.

У сваім тэлеграм-канале дэмлідар падкрэсліла, што “беларуская салідарнасць заўсёды здзіўляе і натхняе”.

“Калі мы бачым боль або патрэбу, нашыя людзі аб’ядноўваюцца адразу без словаў і заклікаў. Я захапляюся кожным, хто знаходзіць час і сілы дапамагчы іншаму. Менавіта так будуецца краіна, у якой хочацца жыць”, — напісала Ціханоўская.

Міжнародны дзень салідарнасці людзей абвешчаны Генеральнай асамблеяй ААН. Адзначаецца з 2006 года.