Колькасць ІП за 2025 год зменшылася на 13,9%
27 студзеня, Позірк. У Беларусі ў 2025 годзе колькасць юрыдычных асоб павялічылася, а індывідуальных прадпрымальнікаў — зменшылася, вынікае з праведзенага “Позіркам“ аналізу звестак Нацыянальнага статыстычнага камітэта.
На 1 студзеня 2026 года ў краіне было зарэгістравана 162.274 арганізацыі (+3,9% да пачатку 2025-га).
Удзельная вага арганізацый дзяржаўнай і з дзяржаўным удзелам формаў уласнасці склала 10,3% агульнай колькасці (на 1 студзеня 2025-га — 10,7%).
Колькасць індывідуальных прадпрымальнікаў на пачатак года склала 204.350 (-13,9% да 1 студзеня 2025-га):
Найбольш ІП займаюцца рамонтам аўтамабіляў і матацыклаў — 70.442 (за год іх колькасць зменшылася на 14,4%), лагістыкай — 34.718 (-5,7%), прафесійнай, навуковай і тэхнічнай дзейнасцю — 18.452 (-21%), будаўніцтвам — 15.855 (-14,7%).
22 красавіка 2024 года Аляксандр Лукашэнка падпісаў закон па пытаннях прадпрымальніцкай дзейнасці. Дакументам прадугледжаны дзве катэгорыі, якія займаюцца прадпрымальніцкай дзейнасцю: юрыдычныя і фізічныя асобы.
Да юрыдычных асоб аднесеныя малыя арганізацыі з колькасцю працуючых да 100, сярэднія — да 250, буйныя — звыш 250; да фізічных асоб — рамеснікі, уладальнікі аграэкасядзіб, самазанятыя, індывідуальныя прадпрымальнікі.
Асноўныя палажэнні дакумента набылі моц 1 кастрычніка 2024 года.
Для ІП, чые віды эканамічнай дзейнасці не ўключаны ў новы пералік, быў усталяваны пераходны перыяд з 1 кастрычніка 2024 года да 31 снежня 2025 года. У гэты тэрмін прадпрымальнікі павінны былі перарэгістравацца ў камерцыйныя арганізацыі паводле спрошчанай працэдуры.
Разгорнуты аналіз статыстыкі даcтупны падпісчыкам “Позірк+” (калі спасылка не працуе, карыстайцеся, калі ласка, гэтай)
