Трое рыбакоў загінулі ў выхадныя ў Мінскай вобласці: адзін праваліўся пад лёд, двое, верагодна, атруціліся чадным газам у намёце

16 лютага, Позірк. Трое рыбакоў загінулі ў выхадныя ў Мінскай вобласці, паведаміла прэс-служба Следчага камітэта (СК).

14 лютага каля 16:00 51-гадовы жыхар аграгарадка Новы Двор Мінскага раёна праваліўся пад лёд, пераходзячы раку Свіслач. Адзначаецца, што мужчына, які быў з ім на рыбалцы, спрабаваў аказаць дапамогу, але не змог, пасля чаго выклікаў ратавальнікаў.

Работнікі МНС дасталі мужчыну з вады без прыкмет жыцця. Другі рыбак дастаўлены ў медыцынскую ўстанову з абмаражэннем пальцаў рук і ног.

Другі няшчасны выпадак адбыўся ўвечары 15 лютага на Вілейскім вадасховішчы. Паведамляецца, што ў намёце, усталяваным на лёдзе паблізу вёскі Чыжэвічы (Вілейскі раён), выяўленыя без прыкмет жыцця целы двух рыбакоў — 53-гадовага мінчука і 51-гадовага жыхара Асіповічаў (Магілёўская вобласць).

На месцы здарэння працавала следча-аператыўная група. Паводле папярэдняй версіі, прычынай гібелі мужчын стала атручэнне чадным газам.

Паводле інфармацыі Рэспубліканскага таварыства ратавання на водах (ТРВОД), за мінулыя выхадныя ў Беларусі патанулі тры чалавекі. Адна з загінулых — жанчына 1940 года нараджэння, якая патанула 15 лютага ў рацэ ракі Мухавец у Брэсце падчас кармлення вадаплаўных птушак.