Урад прапануе ўвесці адміністрацыйную адказнасць за прапаганду наркотыкаў
18 лютага, Позірк. Савет міністраў Беларусі прапануе ўвесці адміністрацыйную адказнасць за прапаганду наркотыкаў — такое палажэнне складзецца ў праекце закона “Аб змяненні законаў па пытаннях прапаганды наркатычных сродкаў, псіхатропных рэчываў, іх аналагаў“. Дакумент апублікаваны на Нацыянальным прававым інтэрнэт-партале.
Кодэкс аб адміністрацыйных правапарушэннях мяркуецца дапоўніць артыкулам 17.7 КаАП (прапаганда наркатычных сродкаў, псіхатропных рэчываў, іх аналагаў), якая будзе прадугледжваць штраф у памеры да 20 базавых велічынь (у 2026 годзе гэта да 900 рублёў) з канфіскацыяй прадмета адміністрацыйнага правапарушэння або без канфіскацыі. Як варыянт пакарання прапануецца ўвесці грамадскія працы з канфіскацыяй прадмета адміністрацыйнага правапарушэння або без канфіскацыі, або адміністрацыйны арышт з канфіскацыяй прадмета адміністрацыйнага правапарушэння або без канфіскацыі.
Пад прапагандай наркатычных сродкаў, псіхатропных рэчываў, аналагаў разумеецца распаўсюджванне ў любой форме, у тым ліку ў СМІ, інтэрнэце інфармацыі пра спосабы і (або) тэхналогіі вырабу, вытворчасці, перапрацоўкі, набыцця, захоўвання, перавозкі, перасылкі, рэалізацыі, выкарыстання, увозу, вывазу, транзіту наркатычных сродкаў, псіхатропных рэчываў, аналагаў; аб спосабах і (або) тэхналогіях культывавання раслін і (або) грыбоў, якія змяшчаюць наркатычныя сродкі, аб прывабнасці, неабходнасці спажывання забароненых рэчываў, аб іх назве наркатычных, аб магчымасці атрымання даходу, звязанага з незаконным абаротам наркатычных сродкаў, псіхатропных рэчываў, аналагаў і інш.
Прапагандай, згодна з законапраектам, не будзе лічыцца распаўсюджванне інфармацыі ў навуковых тэкстах, творах літаратуры і мастацтва, у СМІ (у галіне аховы здароўя), месцах правядзення медыцынскіх і фармацэўтычных выстаў, навучальных медыцынскіх мерапрыемстваў.
Таксама не трапяць пад адказнасць прафілактычныя мерапрыемствы.
У 2025 годзе колькасць асуджаных паводле “наркатычных“ артыкулаў Крымінальнага кодэкса павялічылася на 7,9% у параўнанні з 2024-м, вынікае са звестак Вярхоўнага суда.
За ўчыненне злачынстваў, звязаных з незаконным абаротам наркотыкаў (арт. 327-331, 332), летась было асуджана 2.253 чалавекі — 8% усіх асуджаных (у 2024-м — 2.088; 6,6%).
З іх 2.077, або 92,2%, прызнана вінаватымі па арт.328 (незаконны абарот наркатычных сродкаў, псіхатропных рэчываў, іх прэкурсораў і аналагаў), у 2024 годзе — 1.956, або 93,7%.
