У Міжнародны дзень роднай мовы заходнія дыпламаты падзяліліся неперакладальнымі словамі сваіх моў

21 лютага, Позірк. У Міжнародны дзень роднай мовы заходнія дыпламаты, якія працуюць у Мінску, падзяліліся не перакладанымі наўпрост словамі сваіх моў.

У творчай акцыі ўзялі ўдзел Прадстаўніцтва Еўрапейскага саюза ў Беларусі, дыпламаты з Германіі, Францыі, Венгрыі, Ірландыі, Чэхіі, Польшчы, Славакіі, Швецыі, Вялікабрытаніі, Аўстрыі, Швейцарыі, Даніі, Фінляндыі, Італіі, Румыніі (некаторыя краіны не прадстаўлены ў Беларусі на ўзроўні амбасадаў).

“Родная мова фарміруе наш светапогляд і сувязі з навакольнымі. Сёння, у Міжнародны дзень роднай мовы, абвешчаны ЮНЕСКО ў 1999 годзе, мы шануем моўнае і культурнае багацце свету“, — адзначаецца ў сумесным каментары дыпламатаў.