У Мінску арматуршчык загінуў ад удару бункера для бетону
25 лютага, Позірк. Аб няшчасным выпадку са смяротным зыходам, які здарыўся на будаўнічым аб’екце ў Менску 25 лютага, паведаміў Следчы камітэт.
Паводле звестак ведамства, 37-гадовы арматуршчык займаўся кладкай цеплатрасы. Пры ўздыме кранам бункера для бетону той пачаў разгойдвацца і ўдарыў рабочага. Ад атрыманых траўмаў будаўнік памёр на месцы.
На месца здарэння выязджала следча-аператыўная група. Сярод іншага канфіскаваная дакументацыя па пытаннях аховы працы і тэхнікі бяспекі.
Праверку праводзіць Кастрычніцкі (г. Мінска) раённы аддзел СК.
