Курс наяўнага долара ў лютым вырас на 0,38%, з пачатку года — знізіўся на 2,55%
2 сакавіка, Позірк. На 2,55% (з 2,9263 да 2,8518 рубля) знізіўся за першыя два месяцы 2026 года сярэдні курс наяўнага долара ЗША, сведчыць праведзены “Позіркам“ аналіз каціровак, якія выстаўляюць галаўныя аддзяленні беларускіх банкаў.
У студзені долар патаннеў на 2,92% (да 2,8409 рубля), у лютым — падаражэў на 0,38%.
Сярэдні курс куплі вырас у лютым на 0,53% (з 2,8213 да 2,8362 рубля), продажу — на 0,24% (з 2,8604 да 2,8674), з пачатку года — знізіўся адпаведна на 2,17% (з 2,8990) і на 2,92% (з 2,9536).
У студзені–лютым мінулага года наяўны долар патаннеў на 7,27%.
