Долар, еўра і юань падаражэлі на біржавых таргах 3 сакавіка

3 сакавіка, Позірк. Амерыканская, агульная еўрапейская, а таксама кітайская валюты падаражэлі на таргах Беларускай валютна-фондавай біржы 3 сакавіка 2026 года.

Курс долара вырас да 2,8896 рубля (+0,68%; +0,0195), еўра — да 3,3624 (+0,07%; +0,0024), юаня — да 4,2057 за 10 (+0,01%; +0,0006).

Расійскі рубель патаннеў да 3,7438 за 100 (-0,17%; -0,0065).

На мінулым працоўным тыдні (23–27 лютага) выраслі каціроўкі ўсіх названых валют: долара — на 0,06% (з 2,8518 да 2,8536), еўра — на 0,44% (з 3,3601 да 3,375), юаня — на 1,9% (з 4,1357 да 4,2142 за 10), расійскага рубля — на 0,48% (з 3,7309 да 3,7489 за 100).

Беларусь стала лідарам на тэрыторыі былога СССР у патанненні долара ў 2026 годзе, сведчыць праведзены “Позіркам” параўнальны аналіз каціровак цэнтрабанкаў на 31 снежня 2025 года і 28 лютага 2026-га.

За два месяцы афіцыйны курс амерыканскай валюты знізіўся на 1,74% (з 2,9027 да 2,8523 рубля).