У Віцебску знікла 15-гадовая Ульяна Берагой, яе шукаюць трэці дзень

8 сакавіка, Позірк. У Віцебску знікла 15-гадовая Ульяна Берагой, паведамляе выданне “Віцебскія весці”.

“АУС адміністрацыі Чыгуначнага раёна Віцебска высвятляецца месцазнаходжанне непаўналетняй Берагой Ульяны Рыгораўны, 03.10.2010 года нараджэння, якая 05.03.2026 года ў 19:00 гадзін выйшла з адрасу г. Віцебск, пр. Маскоўскі, 66/1 і сышла ў невядомым кірунку, і ў цяперашні час яе месцазнаходжанне не ўстаноўлена”, — гаворыцца ў публікацыі.

Прыкметы зніклай: рост 165 см, валасы карычневага колеру, вочы карыя. Была апранутая ў дублёнку і чаравікі карычневага колеру, блакітныя джынсы, шалік чорна-белага колеру ў клетку, з сабой была сумка чорнага колеру.

8 лістапада 2025 года ў Бярэзінскім раёне (Мінская вобласць) знік 14-гадовы Максім Зяньковіч. 13 лістапада яго цела знайшлі. Прычынай гібелі падлетка стала “асфіксія з прычыны закрыцця дыхальных шляхоў вадой пры ўтапленні”, паведаміў праз дзень Дзяржаўны камітэт судовых экспертыз.