З РФ у Беларусь вернутыя чарговыя партыі драўляных паддонаў

18 сакавіка, Позірк. Аб вяртанні ў Беларусь дзвюх партый драўляных паддонаў у сувязі з адсутнасцю ў кіроўцаў фітасанітарных сертыфікатаў на прадукцыю, якая экспартуецца, паведаміла 18 сакавіка Федэральная служба па ветэрынарным і фітасанітарным наглядзе (Рассельгаснагляд).

Агулам у двух аўтамабілях, якімі кіравалі грамадзяне Беларусі, знаходзілася 432 паддоны, яны ехалі 16 і 17 сакавіка з Мінска ў Маскоўскую вобласць.

Аўтамашыны “вернутыя на сумежную тэрыторыю да месца адгрузкі, а перавозчыкі прыцягнутыя да адміністрацыйнай адказнасці па арт. 10.2 КаАП РФ (парушэнне парадку ўвозу і вывазу падкаранціннай прадукцыі (падкаранціннага матэрыялу, падкаранціннага грузу). — “Позірк“.).

Аб вяртанні ў Беларусь 700 і 375 паддонаў праз праблемы з фітасанітранымі сертыфікатамі, Рассельгаснагляд паведамляў адпаведна ў лістападзе і верасні 2025 года.

Сёлета 17 сакавіка служба паведаміла, што спыніла вываз грамадзянінам Беларусі з Кастрамы (РФ) у Брэсцкую вобласць 22 тон піламатэрыялаў.