Матэрыял даступны толькі падпісчыкам
ПОЗІРК+Белгідрамет мае намер скласці доўгатэрміновы прагноз да 2050 года
Матэрыял даступны толькі падпісчыкам
ПОЗІРК+
Экс-палітвязень Пальчыс пра высылку ў Літву: Ніхто ніякага выбару не рабіў, проста прывезлі і ўсё
20 сакавіка, Позірк. Вызваленаму 19 сакавіка і адразу высланаму з Беларусі ў Літву блогеру і грамадскаму дзеячу Эдуарду Пальчысу не далі выбару, застацца на радзіме ці з’ехаць за мяжу.
“Ніхто ніякага выбару не рабіў, проста прывезлі і ўсё”, — паведаміў ён журналістам у Вільнюсе.
Паводле яго слоў, прашэнне аб памілаванні ён не пісаў і ніхто яго да гэтага не прымушаў. З краіны яго выправадзілі без пашпарту, маецца “толькі даведка”.
“[На мяжы] літоўская мытня (відаць, маецца на ўвазе памежная служба. — “Позірк”.) усё добра зрабіла — вельмі хутка ўсе візы паставіла, вельмі добра да нас ставілася, таму мы ўдзячныя”, — сказаў блогер.
На пытанне, як да яго ставіліся ў турме, ці зазнаў ён збіццё ці катаванні, Пальчыс адказаў, што “ўсялякае было, але шмат каму было горш, таму не хочацца скардзіцца на нешта”.
Мужчына адчуваў падтрымку іншых людзей, калі толькі трапіў у няволю, але пасля “была такая ізаляцыя”: “Я не ведаў некаторых навін па два-тры гады, даведваўся праз два гады, што адбылося нешта”.
Найбольш шакавальнай навіной для яго быў напад Расіі на Украіну. “Я быў у штрафным ізалятары, выйшаў — пачатак вайны ва Украіне, гэты была, напэўная, адна з самых [шакавальных], калі браць міжнародныя падзеі”, — паведаміў блогер.
У выніку сустрэчы з амерыканскай дэлегацыяй 19 сакавіка ў Мінску Аляксандр Лукашэнка памілаваў 250 вязняў, з якіх 235 засталася ў Беларусі, а 15 былі накіраваныя ў Літву.
Пальчыс быў затрыманы 27 верасня 2020 года. 17 снежня 2021-га Мінскі гарадскі суд прыгаварыў яго да 13 гадоў пазбаўлення волі. Мужчыну прызналі вінаватым паводле ч. 3 арт. 130 (распальванне расавай, нацыянальнай, рэлігійнай або іншай сацыяльнай варожасці або варажнечы); ч. 1 арт. 293 (масавыя беспарадкі), ч. 1 арт. 342 (арганізацыя або падрыхтоўка дзеянняў, якія груба парушаюць грамадскі парадак) і ч. 3 арт. 361 (заклікі да дзеянняў, накіраваных на нанясенне шкоды нацбяспецы Беларусі) Крымінальнага кодэкса.
Вызвалены праваабаронца Стэфановіч: Трэба дамагацца мараторыю на пераслед
20 сакавіка, Позірк. Спадзеў на тое, што перамоўны працэс па вызваленні палітычных зняволеных працягнецца, выказаў адпушчаны 19 сакавіка на волю, але высланы з Беларусі ў Літву намеснік старшыні праваабарончага цэнтра "Вясна", віцэ-прэзідэнт Міжнароднай федэрацыі за правы чалавека (FIDH) Валянцін Стэфановіч. …
Высланая ў Літву журналістка Бахвалава мае намер дамагацца вызвалення свайго мужа палітаглядальніка Ільяша
19 сакавіка, Позірк. Актыўна дамагацца вызвалення палітвязня, палітычнага аглядальніка Ігара Ільяша мае намер яго жонка, цяпер ужо былая палітзняволеная Кацярына Бахвалава (Андрэева). На пытанне калег, пра што найбольш марыць на свабодзе, вызваленая 19 сакавіка і высланая ў Літву журналістка адказала …
