У лютым колькасць занятых у эканоміцы павялічылася на 8,4 тыс. — даныя Белстата

26 сакавіка, Позірк. У лютым 2026 года ў беларускай эканоміцы было занята 4 млн 171,2 тыс. чалавек — на 8,4 тыс. больш, чым у студзені (4 млн 162,8 тыс.; +0,2%), сведчыць праведзены “Позіркам” аналіз даных Нацыянальнага статыстычнага камітэта.

Паводле інфармацыі Дзяржаўнай службы занятасці, на 26 сакавіка на рынку працы прапануецца 149.543 вакансіі (26 лютага было 156.373; зніжэнне склала 4,4%).

У студзені 2025 года ў эканоміцы было занята 4 млн 131,6 тыс. чалавек, у лютым — 4 млн 141 тыс., сакавіку — 4 млн 146,2 тыс., красавіку — 4 млн 135,8 тыс., траўні — 4 млн 122,1 тыс., чэрвені — 4 млн 149,7 тыс., ліпені — 4 млн 148 тыс., жніўні — 4 млн 156,2 тыс., верасні — 4 млн 151 тыс., кастрычніку — 4 млн 156,6 тыс., лістападзе – 4 млн 154,2 тыс., снежні — 4 млн 164,2 тыс.

На канец 2025 года ў Беларусі было 163.794 свабодныя працоўныя месцы (вакансіі), заяўленых арганізацыямі ў органы працы, занятасці і сацыяльнай абароны — у 2,3 раза, чым на канец 2020-га (71.995), паказаў праведзены “Позіркам” аналіз звестак Белстата.

У чацвёртым квартале 2025 года ўзровень занятасці ў эканоміцы насельніцтва ў працаздольным узросце склаў 85,7% (у трэцім квартале быў аналагічны паказчык), сведчыць праведзены “Позіркам” аналіз даных Белстата па выніках рэгулярнага выбарачнага абследавання хатніх гаспадарак.

Сярод жанчын гэты паказчык склаў 86,2% (86,1%; +0,1 п.п.), мужчын — 85,3% (не змяніўся); гарадскога насельніцтва — 85,8%, сельскага — 85,3% (абодва паказчыкі не змяніліся).

Узровень беспрацоўя склаў 2,5% (2,4%; +0,1 п.п.). Паведамлялася, што беспрацоўнымі было 2,6% мужчын (2,8%; -0,2 п.п.) і 2,3% жанчын (2%; +0,3 п. п.).

У гарадах не мела працы 2,4% насельніцтва ў працаздольным узросце (2,6%; -0,2 п.п.), у сельскай мясцовасці — 2,6% (1,8%; +0,8 п.п.).

Паводле звестак Белстата, 65,5% беспрацоўных шукае працу з дапамогай СМІ і інтэрнэту (64,6%; +1,1 п.п.), 58,2% звяртаецца да сяброў, сваякоў і знаёмых (57,5%; +0,7 п.п.), 28% — у службу занятасці і агульнарэспубліканскі банк вакансій (23,9%; +4,1 п.п.), 16% — непасрэдна да працадаўцаў (14,9%; -6,4 п.п.).

Раней “Позірк” паведамляў, што намінальная налічаная сярэдняя заработная плата работнікаў Беларусі ў лютым 2026 года склала 2.743 рубля — на 14,1 менш (-0,5%), чым у студзені (2.757,1).

У 2025 годзе прадукцыйнасць працы павялічылася на 1%, а рэальны заробак — на 9%, заявіў Аляксандр Лукашэнка 17 лютага, заслухоўваючы справаздачу ўрада за 2025 год.

“Больш за тое, гэтая тэндэнцыя доўжыцца не першы год. Якая цана такому дабрабыту, якое мы выпінаецца як вялікае дасягненне?” — задаў ён рытарычнае пытанне.

З аднаго боку, адзначыў спікер, Саўмін запэўнівае, што праз заробак удаецца ўтрымліваць патрэбныя кадры, а з другога — па прадукцыйнасці працы Беларусь “у 2–3 разы” адстае ад “развітых краін”.

“Дык, можа, трэба павялічваць аддачу? Калі кадры трымаеце, кадры павінны ўпірацца і працаваць. І не ў пасрэдніцкіх структурах, а на вытворчасці”, — падкрэсліў ён.

Палітык запатрабаваў збалансаваць “усе плыні ў эканоміцы”, каб потым не давялося “гераічна выпраўляць памылкі або, горш за тое, пакінуць іх будучым кіраўнікам”.

Паводле яго слоў, павінны ўражваць не высокія заробкі, а “наяўнасць арганізацый, дзе людзі з цяжкасцю зарабляюць паўтары мінімальныя заробкі, гэта значыць пасля выліку падатку прыкладна 1,1 тысячы рублёў”.