Кіеў не развівае стасункі з Ціханоўскай праз “невыразную антываенную актыўнасць апазіцыі” — дарадца кіраўніка Офіса прэзідэнта Украіны
13 лютага, BPN. Украіна не бачыць сэнсу развіваць стасункі з беларускім дэмакратычным лідарам Святланай Ціханоўскай, бо не бачыць “выразнай антываеннай актыўнасці з боку апазіцыі”, заявіў дарадца кіраўніка Офіса прэзідэнта Украіны Міхаіл Падаляк у інтэрв’ю парталу навін Delfi.
Пад актыўнасцю Падаляк разумее “нейкія маштабныя маніфестацыі, нават не ў самой Беларусі, а каля беларускіх пасольстваў іншых краін”.
“Пра сустрэчу з Ціханоўскай, пры ўсёй павазе, а якая каштоўнасць гэтай сустрэчы? — задаўся ён пытаннем. — Зяленскі фармуе глабальны парадак дня, але ён не можа фармаваць лакальныя, рэгіянальныя парадкі ў кожнай краіне. Наконт беларускай апазіцыі, мне здаецца, ім сёння трэба вызначыцца, хто ў іх сапраўды можа ўплываць на беларускае грамадства, і тады ўжо будзем разглядаць магчымасць сустрэчы”.
“З іншага боку, у [Аляксандра] Лукашэнкі бачым разуменне таго, як гэтая вайна развіваецца. Для яго максімальна небяспечна ў гэтай вайне браць яшчэ больш актыўны ўдзел, чым ён бярэ цяпер”, — дадаў Падаляк.
Ён падкрэсліў, што калі б “Украіна абрынулася за тры дні”, прэзідэнт РФ Уладзімір Пуцін ажыццявіў бы план “падпарадкаваць сабе былую савецкую прастору, у тым ліку з прамымі ўварваннямі”.
“Думаю, што і краіны Балтыі падвергнуліся б нападу, і Малдова абавязкова, падвергся б нападу і паўночны Казахстан. Можам узяць і іншыя краіны, напрыклад Арменія, Грузія, Беларусь — яны хутчэй за ўсё вярнулася б да канцэпцыі Савецкага Саюза 2.0. Гэта значыць, усе гэтыя дзяржавы кантраляваліся б Крамлём, а палітычны фармат іх ладу стаў фармальнай рэспублікай з падпарадкаваннем маскоўскаму цэнтру. Адначасова Расія змяніла б мадэль паводзінаў у Еўропе – запатрабавала б ультыматыўна яшчэ тэрыторыі”, — сказаў дарадца кіраўніка Офіса прэзідэнта Украіны.
Летась у чэрвені Падаляк неадназначна адказаў парталу “Зеркало”, чаму Зяленскі не сустракаўся з Ціханоўскай да вайны, якую падтрымаў рэжым Аляксандра Лукашэнкі. Ва Украіне, сцвярджаў ён, “не зусім разумелі пазіцыю Святланы Ціханоўскай па шэрагу пытанняў, якія датычацца Расіі”. Падаляк адзначыў, што падчас прэзідэнцкай кампаніі 2020 года некаторыя яе заявы, “мякка кажучы, нічым не адрозніваліся ад выказванняў афіцыйнага Мінска, а ў некаторых аспектах былі нават больш прарасійскімі”. Акрамя таго, ён заявіў, што ўкраінскія ўлады не чуюць “выразных ацэнак поўнамаштабнага ўварвання Расіі ва Украіну”, не бачаць “пэўных дзеянняў супраць удзелу Беларусі ў гэтай вайне”.
Праз гэтыя выказванні на Падаляка абрынулася хваля крытыкі, бо Ціханоўская неаднаразова адкрыта асуджала Крэмль і афіцыйны Мінск за агрэсію супраць Украіны, а ў Беларусі з пачатку вайны ўзнік антываенны рух — ад акцый пратэсту да партызанскіх акцый на чыгунцы, праз якія ў краіне пашырылі падставы для прымянення смяротнага пакарання.
Летась у верасні Ціханоўская сустрэлася ў Вільнюсе з Аляксеем Арастовічам, які на той момант быў пазаштатным дарадцам, дэ-факта спікерам офіса Зяленскага. Бакі абмеркавалі сітуацыю ў Беларусі і саўдзел яе ўлад у вайне РФ супраць Украіны.
У кастрычніку Ціханоўская выступіла са зваротам да Зяленскага, у якім заявіла, што створаны па яе ініцыятыве Аб’яднаны пераходны кабінет гатовы да супрацоўніцтва з Украінай і ўсталявання дыпламатычных і палітычных адносін. Ціханоўская заявіла, што разумее, чаму афіцыйны Кіеў пазбягае кантактаў з дэмсіламі, але ўзаемаадносіны трэба выбудоўваць, паколькі “ў Украіны не можа быць агульнай будучыні з рэжымам Лукашэнкі”.
Публічнага адказу на гэтую прапанову не было.
У лістападзе кіраўнік міжфракцыйнага аб’яднання дэпутатаў Вярхоўнай Рады Украіны “За дэмакратычную Беларусь” Аляксей Ганчарэнка (фракцыя “Еўрапейская салідарнасць” Пятра Парашэнкі) заявіў у каментарыі BPN, што сустрэча Зяленскага і Ціханоўскай “не з’яўляецца прыярытэтам”.
Лукашэнка неаднаразова заяўляў, што Беларусь удзельнічае ў “спецыяльнай ваеннай аперацыі”, усяляк падтрымліваючы Расію, але “нікога не забіваючы”. Гэтым тэрмінам расійскае, а ўслед за ім і беларускае кіраўніцтва называюць поўнамаштабную вайну супраць украінскага народа, якую РФ пачала 24 лютага 2022 года. Разам з тым часам Лукашэнка наўпрост называе развязаны Расіяй канфлікт вайной.
Улады ў Мінску адмаўляюць удзел беларускай арміі ў баявых дзеяннях на баку РФ, у той жа час тэрыторыя Беларусі з пачатку ўварвання, а таксама ў асобныя перыяды пазней актыўна выкарыстоўвалася расійскай арміяй для нанясення ўдараў па Украіне.
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаўМатэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС