“Банк Дабрабыт” аднавіў пераводы ў юанях у банкі мацерыковай часткі Кітая

11 верасня, Позірк. “Банк Дабрабыт” 11 верасня аднавіў міжнародныя пераводы ў кітайскіх юанях у банкі мацерыковай часткі КНР.

Паводле інфармацыі прэс-службы фінансава-крэдытнай установы, за правядзенне адной транзакцыі спаганяецца камісія — 0,15% сумы плацяжу (мінімальна — 11 долараў у эквіваленце, максімальна — 55).

ААТ “Банк Дабрабыт” працуе з 2000 года, з’яўляецца правапераемнікам “Банка Масква-Мінск” (99,75% акцый належыць Нацыянальнаму банку).

Краіны Захаду ўвялі ў дачыненні да Беларусі эканамічныя санкцыі — за падтрымку Расіі ў развязанай ёю поўнамаштабнай вайне супраць Украіны. Пад абмежаванні трапіў у тым ліку “Банк Дабрабыт”, які быў адключаны ад сістэмы SWIFT.

Нацбанк уключыў “Банк Дабрабыт” у другую групу сістэмна значных банкаў на 2023 год.

Гл. таксама:

Эксперт BEROC: Актывізацыя гандлю кітайскімі юанямі — не толькі беларускі трэнд

“Тэхнабанк” пачаў адкрываць дэпазіты ў кітайскіх юанях юрыдычным асобам і ІП

“Белгазпрамбанк” пачаў адкрываць уклады ў юанях