19 верасня, Позірк. Аб’ём валавога ўнутранага прадукта за студзень — жнівень 2023 года ў бягучых цэнах склаў 136,2 млрд рублёў, паведамляе Нацыянальны статыстычны камітэт.
У супастаўных цэнах да ўзроўню аналагічнага перыяду 2022 года ВУП вырас на 3,1%.
У 2022 годзе ВУП знізіўся на 4,7%, у студзені 2023-га да студзеня 2022-га — на 5%, у студзені — лютым да аналагічнага леташняга перыяду — на 3,6%, у першым квартале — на 2,1%, у студзені — красавіку — на 0,6%, у студзені — траўні — вырас на 0,9%, у першым паўгоддзі — на 2%, у студзені — ліпені — на 2,9%.
Згодна з зацверджанымі Лукашэнкам найважнейшымі параметрамі прагнозу сацыяльна-эканамічнага развіцця Беларусі на 2023 год, прырост ВУП запланаваны на ўзроўні 3,8%.
На думку аналітыкаў Еўрапейскага банка рэканструкцыі і развіцця, у Беларусі ў 2023 годзе “чакаецца зніжэнне ВУП на 1%, за якім будзе ўмеранае аднаўленне ў 2024 годзе з ростам на 1,3 працэнта пры наяўнасці значных рызык зніжэння”.
Агенцтва Fitch Ratings лічыць, што краіну “чакае далейшая рэцэсія”: скарачэнне ВУП у 2023 годзе складзе 1,3%, у 2024-м — 0,3%.
Сусветны банк у вясновым аглядзе спрагназаваў, што беларуская эканоміка па выніках года вырасце на 0,6%.
Аўтарызавацца
Забыліся пароль?
Выхад з профілю
