27 лістапада, Позірк. У Беларусі назіраецца беспрэцэдэнтна высокі ўзровень актыўнасці КДБ, заявіў начальнік Дэпартамента дзяржаўнай бяспекі (ДДБ) Дарус Яўнішкіс.
“Мы назіраем актывізацыю дзейнасці беларускага КДБ, якая фактычна дасягае гістарычных вышынь, яна ніколі не была такой інтэнсіўнай”, — сказаў Яўнішкіс у 26 лістапада ў інтэрв’ю радыёстанцыі LRT.
Некаторыя прадстаўнікі шматлікай беларускай дыяспары ў Літве выклікаюць у спецслужбаў “пэўныя пытанні”, падкрэсліў ён.
Паводле слоў кіраўніка ведамства, ён не мае інфармацыі аб спробах службаў недружалюбных краін завербаваць дзяржаўных чыноўнікаў, дзяржслужачых або палітыкаў.
