Упершыню з пачатку міграцыйнага крызісу краіны ЕС не зафіксавалі спроб пранікнення нелегалаў з тэрыторыі Беларусі

30 лістапада, Позірк. За папярэдні дзень, 29 лістапада, краіны Еўрапейскага саюза не зафіксавалі ніводнай спробы нелегальнага пранікнення з тэрыторыі Беларусі (суткамі раней — 24), сведчыць праведзены “Позіркам” аналіз статыстыкі пагранічных службаў.

Гэта першы такі выпадак з пачатку міграцыйнага крызісу.

Разам з тым Памежная ахова Польшчы паведамляе, што пасля паўночы 30 лістапада мяжу краіны спрабавалі нелегальна перасекчы 23 чалавекі, у тым ліку грамадзяне Непала, Пакістана і Афганістана.

27 лістапада Польшча ўпершыню не зафіксавала спроб нелегальнага пранікнення з Беларусі, у той час як у Літву і Латвію ў той дзень яны працягнуліся.

З пачатку 2023 года спынена 41.312 спробаў незаконнага пранікнення ў ЕС з беларускай тэрыторыі (у Польшчу — 25.077, Латвію — 13.728, Літву — 2.507).

Статыстыка, выведзеная “Позіркам” на падставе штодзённых звестак, сведчыць, што напружанасць на мяжы Беларусі і ЕС вагаецца, але захоўваецца. Калі зімой у пачатку года было папярэджана 3.959 спробаў нелегальнага пераходу мяжы (студзень — 1.989, люты — 1.970), то вясной — 11.560 (сакавік — 3.401, красавік — 3.440, травень — 4.719), летам — 13.250 (чэрвень — 3.701, ліпень — 5.054, жнівень — 4.495); у верасні — 4.449, кастрычніку — 5.474 (месячны рэкорд), з пачатку лістапада — 2.614.

Разбіўка па краінах:

Польшча — 1.398 ў студзені, 1.455 ў лютым, 2.583 ў сакавіку, 2.363 ў красавіку, 2.959 ў траўні, 2.866 ў чэрвені, 3.934 ў ліпені, 2.759 ў жніўні, 1.076 ў верасні, 2.221 ў кастрычніку, 1.463 з пачатку лістапада;

Латвія — 372 ў студзені, 377 ў лютым, 559 ў сакавіку, 776 ў красавіку, 1.549 ў траўні, 707 ў чэрвені, 899 ў ліпені, 1.615 ў жніўні, 3.172 ў верасні, 2.866 ў кастрычніку, 836 з пачатку лістапада;

Літва — 219 ў студзені, 138 ў лютым, 259 ў сакавіку, 301 ў красавіку, 211 ў траўні, 128 ў чэрвені, 221 ў ліпені, 121 ў жніўні, 201 ў верасні, 387 ў кастрычніку, 315 з пачатку лістапада.

Міграцыйны крызіс на мяжы Беларусі і краін ЕС пачаўся вясной 2021 года.