Затрымана маці дарадцы Ціханоўскай па моладзевай палітыцы і студэнцтву

30 лістапада, Позірк. Раніцай 30 лістапада ў Наваполацку (Віцебская обласць) затрымана Інэса Ворыхава — маці Маргарыты Ворыхавай, дарадцы дэмакратычнага лідара Святланы Ціханоўскай па моладзевай палітыцы і справах студэнтаў, паведаміў праваабарончы центр “Вясна”.

Да жанчыны на працу прыехаў АМАП. Чакаецца, што над Ворыхавай адбудзецца суд. У чым яе абвінавачваюць — невядома.

Маргарыта Ворыхава 9 лістапада ў Бруселі атрымала прэмію “Маладая жанчына Еўропы 2023”.

Паводле інфармацыі прэс-службы дэмлідара, гэта ўзнагарода па адной з чатырох намінацый прэміі “Жанчына Еўропы”, якая штогод уручаецца за прасоўванне еўрапейскіх каштоўнасцяў. Ворыхава прысвяціла прэмію ўсім маладым лідарам Беларусі, адзначыўшы іх “вырашальную ролю ў фармаванні будучыні і абароне дэмакратыі”.

Ворыхава абвясціла, што ў студзені далучыцца да Кансультатыўнай рады па справах моладзі пры Савеце Еўропы.

Ціханоўская прызначыла Ворыхаву сваёй дарадцай 6 жніўня 2023 года.