19 снежня, Позірк. Тавараабарот грамадскага харчавання за студзень — лістапад 2023 года склаў 4,6 млрд рублёў (+10,3% да аналагічнага перыяду 2022-га), паведамляе Нацыянальны статыстычны камітэт.
За 11 месяцаў рознічны тавараабарот склаў 68,7 млрд рублёў (8,2%).
Аднадзённы рознічны тавараабарот у разліку на душу насельніцтва з пачатку года склаў 22,3 рубля супраць 20 рублёў за такі ж перыяд папярэдняга года (+11,5%).
Рознічны тавараабарот арганізацый гандлю, на які прыпала 94,4% усяго рознічнага тавараабароту, у студзені — кастрычніку склаўся на ўзроўні 64,8 млрд рублёў, што на 8,7% вышэй за паказчык таго ж перыяду 2022-га.
Аптовы тавараабарот склаў 147,2 млрд рублёў (+13,5% у супастаўных цэнах да ўзроўню студзеня — лістапада мінулага года).
