Памёр грамадскі і палітычны дзеяч Уладзімір Нісцюк

17 студзеня, Позірк. Стала вядома, што 15 лістапада 2023 года памёр былы сябра Беларускай сацыял-дэмакратычнай партыі (Грамада), паведамляет прэс-служба партыі.

Яму было 73 гады. Нісцюк пакутаваў на рак.

Уладзімір Нісцюк — падпалкоўнік запасу, ваенны перакладчык нямецкай мовы, быў дэпутатам Вярхоўнага Савета ХІІІ склікання і падтрымаў імпічмент Аляксандру Лукашэнку ў 1996 годзе, які скончыўся няплённа.

У БСДП быў намеснікам старшыні. У 2008 годзе сышоў з партыі праз канфлікт з абраннем старшынёй арганізацыі Анатоля Ляўковіча.

Пасля гэтага адышоў ад палітыкі і займаўся развіццём альтарнатыўнай энергетыкі. Працаваў дырэктарам ТАА “Белветраэнерга” і выканаўчым дырэктарам асацыяцыі “Узнаўляльная энергетыка”.