Для перадачы палітвязням і іх сем’ям у фонды накіравана больш за 90% сродкаў марафона салідарнасці

18 студзеня, Позірк.  Для перадачы палітвязням і іх сем’ям на 17 студзеня ў фонды накіравана 93,4 % сродкаў, сабраных на марафоне салідарнасці “Нам не ўсё адно!”, вынікае з паведамлення Аб’яднанага пераходнага кабінета (АПК).

Адзначаецца, што ўжо накіравана 509.800 еўра з сабраных 574.617 еўра (пасля аплаты камісіі на рахунку засталося 545.740 еўра і 12.000 еўра ў крыптавалюце, якія ў ёй пакуль і застаюцца).

На 28 лістапада мінулага года для палітвязняў і іх сем’яў у фонды было перададзена 458.500 еўра, на 22 лістапада — 197.100.

21 лістапада АПК паведаміў пра пачатак аўдыту арганізацый, якія займаюцца размеркаваннем сабраных на марафоне сродкаў. Шэраг з іх гэтую працэдуру ўжо паспяхова прайшоў.