Чыстыя замежныя актывы Нацбанка за месяц знізіліся на 3,4%

31 студзеня, Позірк. Чыстыя замежныя актывы Нацыянальнага банка за снежань 2023 года знізіліся на 255,8 млн долараў і склалі на 1 студзеня 2024-га — 7 млрд 251,3 млн долараў (-3,4%), сведчаць звесткі на сайце рэгулятара.

У гадавым вымярэнні яны павялічыліся на 1,5% (+109,4 млн).

Афіцыйны курс долара ў Беларусі за 2023 год вырас на 16,12% (з 2,7364 да 3,1775 рубля).

Патрабаванні рэгулятара да органаў дзяржаўнага кіравання за месяц выраслі на 8,8% (з 5 млрд 57,9 млн да 5 млрд 505,2 млн рублёў), за год — на 24,9% (з 4 млрд 409,4 млн да 5 млрд 505,2 млн).

Абавязацельствы перад органамі дзяржкіравання за снежань сталі меншымі на 2,9% (з 13 млрд 786,3 млн да 13 млрд 384,9 млн рублёў), за год павялічыліся на 0,8% (з 13 млрд 279,4 млн да 13 млрд 384,9 млн рублёў).

Патрабаванні да іншых дэпазітных арганізацый павялічыліся за месяц на 56,6% (з 2 млрд 374,8 млн да 3 млрд 719,3 млн рублёў), за год — у 2,7 разы (з 1 млрд 375,8 млн да 3 млрд 719,3 млн рублёў).

Да іншых сектараў патрабаванні рэгулятара скараціліся ў снежні на 8,5% (з 2 млрд 816,4 млн да 3 млрд 55 млн рублёў), за год паменшыліся на 0,4% (з 3 млрд 65,9 млн да 3 млрд 55 млн рублёў).