Ціханоўская і прадстаўнік Дзярждэпартамента ЗША абмеркавалі сітуацыю з палітвязнямі і стратдыялог у 2024 годзе

24 лютага, Позірк. Сітуацыя з палітвязнямі, трагічная смерць Ігара Ледніка, план стратэгічнага дыялогу на 2024 год, падтрымка грамадзянскай супольнасці і рэпрэсаваных абмеркаваны 23 лютага ў Вільнюсе на сустрэчы Святланы Ціханоўскай і намесніка памочніка дзяржаўнага сакратара ЗША па справах Еўропы і Еўразіі Крыстафера Сміта.

Акрамя таго, Сміт паведаміў Ціханоўскай пра новы пакет санкцый супраць рэжыму Лукашэнкі і яго памагатых за саўдзел у вайне Расіі супраць Украіны і незаконны вываз украінскіх дзяцей з акупаваных тэрыторыяў у Беларусь, паведаміла прэс-служба дэмакратычнага лідара.

У рэлізе таксама адзначаецца, што ў рамках стратэгічнага дыялогу паміж ЗША і беларускімі дэмакратычнымі сіламі, які распачаўся ў снежні 2023 года ў Вашынгтоне, адбылася асобная дыскусія па сітуацыі з палітвязнямі і магычымых шляхах іх вызвалення з удзелам прадстаўнікоў Аб’яднанага пераходнага кабінета, Каардынацыйнай рады і праваабаронцаў.

Гл. таксама:

Намеснік памочніка дзяржсакратара ЗША сустрэўся ў Вільнюсе з прадстаўнікамі дэмсіл Беларусі

Дзярждэп ЗША: Мы працягнем прадпрымаць сувымерныя меры супраць рэжыму Лукашэнкі