Долар і юань падаражэлі на першых сакавіцкіх таргах на БВФБ

1 сакавіка, Позірк. Амерыканская і кітайская валюты падаражэлі на таргах Беларускай валютна-фондавай біржы 1 сакавіка.

Курс долара вырас да 3,2281 рубля (+0,0102, +0,32%), юаня — да 4,4677 за 10 (+0,0168, +0,38%).

Расійскі рубель патаннеў да 3,5361 рубля за 100 (-0,0056, -0,16%).

Еўра не таргаваўся — 29 лютага яго каціроўка знізілася да 3,4990 (-0,0026, -0,07%).

На гэтым працоўным тыдні (26 лютага — 1 сакавіка) курс долара знізіўся на 0,52% (з 3,2451 да 3,2281), юаня — на 0,47% (з 4,489 да 4,4677 за 10), еўра — на 0,31% (з 3,5098 да 3,499); расійскі рубель падаражэў на 1,38% (з 3,4881 да 3,5361 за 100).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца).

За 2023 год яго каціроўка павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).