Амаль траціна гарадскіх жыхароў Беларусі сутыкнулася са зніжэннем даходаў — BEROC
5 сакавіка, Позірк. Амаль траціна гарадскіх жыхароў Беларусі сутыкнулася са зніжэннем даходаў, да такой высновы прыйшоў даследчы цэнтр BEROC, прааналізаваўшы даныя праведзенага 6–12 лютага апытання.
Паводле справаздачы “Даходы і спажывецкая ўпэўненасць хатніх гаспадарак у лютым 2024 года”, пра зніжэнне сваіх даходаў заявіла 31,6% рэспандэнтаў. З іх 44,4% лічыць, што гэта адбылося з прычыны росту цэн, 22,9% — зніжэння замоў і кліентаў, 21% — змены курсу рубля да замежных валют, 15,2% — адсутнасці прэміі, 14,9% — страты падпрацоўкі, 13,3% — падзення заробку, 8,9% — скасавання падвышэння заробку.
Пра страту працы заявіла 2,3% удзельнікаў апытання (у кастрычніку 2023-га — 2,1%). Яшчэ 13,7% (11,4%) паведаміла, што беспрацоўным стаў нехта са знаёмых.
Да цэнавага рэгулявання станоўча ставіцца 61% рэспандэнтаў (у лістападзе 2022-га — 63%). Пастрожыць палітыку дзяржавы ў гэтым плане лічыць неабходным 37%, пакінуць як ёсць — 19%, аслабіць — 18%, скасаваць — 8%.
Лічыць за лепшае захоўваць свае даходы ў наяўных рублях або замежнай валюце 41% апытаных, укладваючы ў нерухомасць — 34%, размяшчаючы ў банкаўскіх укладах — 18%.
2 кастрычніка 2023 года Аляксандр Лукашэнка зацвердзіў важнейшыя прагнозныя (дэ-факта планавыя) параметры развіцця краіны на 2024 год, згодна з якімі рэальныя грашовыя даходы насельніцтва павінны вырасці на 3,5%, рэальнага заробку — на 3,9%; намінальны сярэднямесячны заробак павінен узрасці да 2.087 рублёў (у лістападзе 2023 года складаў 1.991,2 рубля).
Эксперты BEROC чакаюць гадавую інфляцыю ў лютым на ўзроўні да 6%
29 лютага, Позірк. У лютым гадавая інфляцыя "чакаецца ў дыяпазоне 5,7–6%", гаворыцца ў экспрэс-аналізе даследчага цэнтра BEROC. На думку аналітыкаў, урад будзе імкнуцца максімальна задзейнічаць адміністрацыйныя рычагі для прадухілення паскарэння росту спажывецкіх цэн. Таксама верагодныя далейшыя дзеянні Нацбанка ў напрамку …
BEROC: Рост эканомікі Беларусі няўстойлівы, эканамічная палітыка — сітуатыўная
9 лютага, Позірк. "Зыходзячы з асноў, на якіх грунтаваўся рост эканомікі Беларусі ў мінулым годзе, казаць аб яго ўстойлівасці не даводзіцца", "эканамічнай палітыкі ў яе класічным вызначэнні не назіралася, а рашэнні прымаліся сітуатыўна або рэфлекторна, як рэакцыя на знешнія фактары …
Эксперт BEROC: Паскарэнне інфляцыі захаваецца, калі ўлады працягнуць мяккую эканамічную палітыку
10 лютага, Позірк. Цяперашняя сітуацыя з цэнамі ў Беларусі не ўяўляе сабой "нічога звышнатуральнага", заявіла "Позірку" эксперт даследчага цэнтра BEROC Анастасія Лузгіна, каментуючы даныя Нацыянальнага статыстычнага камітэта па інфляцыі ў студзені 2024 года. Паводле інфармацыі Белстата, спажывецкія цэны ў першым месяцы выраслі на 0,8% …