Лукашэнка перавёў свайго ахоўніка ў намеснікі кіраўніка справамі
"Прэзідэнт-гатэль" у Мінску (раней на яго месцы размяшчалася гасцініца "Кастрычніцкая") — адзін з аб'ектаў нерухомасці, якія ўваходзяць у сістэму Упраўлення справамі прэзідэнта
6 сакавіка, Позірк. Аляксандр Лукашэнка прызначыў 42-гадовага Мікалая Шкрэда намеснікам кіраўніка справамі прэзідэнта. Указ падпісаны 6 сакавіка, паведаміла прэс-служба Лукашэнкі.
Да гэтага Шкрэд служыў намеснікам начальніка Службы бяспекі прэзідэнта.
Пра яго вядома няшмат. У прыватнасці, СМІ раней пісалі, што ён нядрэнна гуляе ў хакей, а таксама добра валодае прыёмамі рукапашнага бою: на чэмпіянаце свету па шматбор’і сярод прафесійных целаахоўнікаў “Бодзігард-2011” у Ялце ў асабістым заліку заваяваў першае месца ў спаборніцтвах па гэтым відзе адзінаборстваў.