Саюз пісьменнікаў Беларусі атрымаў грант адміністрацыі Пуціна на фестываль “Русь і Беларусь адзіная”
8 сакавіка, Позірк. Грамадскае аб’яднанне “Саюз пісьменнікаў Беларусі” атрымала грант Адміністрацыі прэзідэнта РФ на правядзенне літаратурнага фестывалю “Русь і Беларусь адзіная”, паведаміў на прэс-канферэнцыі старшыня Мінскага гарадскога аддзялення арганізацыі Міхаіл Пазнякоў.
Фестываль адкрыецца 5 красавіка ў Мінску пры падтрымцы музея Вялікай Айчыннай вайны і іншых дзяржструктур. Частка мерапрыемстваў пройдзе ў расійскім Ліпецку, “фінансаванне цалкам ажыццяўляецца праз Ліпецкую пісьменніцкую арганізацыю”, дадаў Пазнякоў.
“Спецыяльна рыхтуем для гэтага сумеснае выданне”, — сказаў ён.
Старшыня арганізацыі, экс-міністр інфармацыі Аляксандр Карлюкевіч паведаміў, што дзяржаўныя выдавецтвы “Мастацкая літаратура”, “Беларусь” і выдавецкі дом “Звязда” працягнуць удзельнічаць у праграме па выданні кніг для публічных бібліятэк са стопрацэнтным дзяржаўным фінансаваннем.
Так, за бюджэтныя сродкі ў 2024 годзе выдадзена кніга супрацоўніцы рэдакцыі газеты Адміністрацыі Аляксандра Лукашэнкі “СБ. Беларусь сёння” Ірыны Аўсеп’ян, якая ўключае матэрыялы, раней апублікаваныя там.
Рыхтуецца да выдання “мастацкая кніга Анатоля Мацвіенкі і Анатоля Драздова, прысвечаная сённяшнім грамадска-палітычным, сацыяльным працэсам”, сказаў Карлюкевіч.
Паводле яго слоў, у мінулым і гэтым годзе па праграме падрыхтавана “шмат выданняў на героіка-патрыятычную тэматыку” аўтарства Анатоля Бензярука, Віктара Кажуры, Леаніда Крываноса, Мікалая Смірнова, Аляксандра Плавінскага, Сяргея Шавеля. Частка з іх прымеркавана да 80-годдзя вызвалення Беларусі ад нямецка-фашысцкіх захопнікаў у бягучым годзе.
Раней у рамках бюджэтнай праграмы выдаваліся зборнікі газетных матэрыялаў праўладных прапагандыстаў Андрэя Мукавозчыка, Людмілы Гладкай і іншых.
ГА “Саюз пісьменнікаў Беларусі” (СПБ) заснаванае ў 2005 годзе. Яно аб’яднала лаяльных палітычнаму курсу уладаў пісьменнікаў, крытыкаў, літаратуразнаўцаў.
Доўгі час у краіне дзейнічала два буйных пісьменніцкіх аб’яднанні. У 1991 годзе на базе Саюза пісьменнікаў БССР (заснаваны ў 1934 годзе) арганізаваны Саюз беларускіх пісьменнікаў (СБП), які пасля традыцыйна аб’ядноўваў адкрыта апазіцыйных і менш лаяльных уладам літаратараў.
У 1997 годзе па распараджэнні Аляксандра Лукашэнкі ў СБП быў канфіскаваны Дом літаратара, які знаходзіўся ва ўласнасці адной са структур арганізацыі (пераведзены на баланс яго кіравання справамі). У 2006 годзе аб’яднанне выселенае з займанага там памяшкання і пазбаўленае юрыдычнага адрасу, з тых часоў там знаходзіцца офіс СПБ.
У 2002 годзе СБП па рашэнні ўладаў пазбавіўся перыядычных выданняў, заснавальнікам якіх ён з’яўляўся.
У 2010 годзе зробленая першая спроба ліквідацыі СБП.
1 кастрычніка 2021 года Вярхоўны суд задаволіў пазоў Міністэрства юстыцыі аб ліквідацыі СБП.
На сёння праўладны СПБ пазіцыянуе сябе як пераемніка Саюза пісьменнікаў БССР, хоць у афіцыйных дакументах і матэрыялах пра гэта нічога не сказана.
Прэс-канферэнцыя 7 сакавіка прайшла пад дэвізам “90 гадоў Саюзу пісьменнікаў Беларусі”. Паводле сцвярджэння Карлюкевіча, “гісторыя Саюза пісьменнікаў пачалася з 1934 года”, СПБ “мае намер праводзіць мерапрыемствы ў сувязі з датай”.
Незалежнае кнігавыданне ўнутры краіны фактычна разгромленае ўладамі ў 2022–2023 гадах. Многія кнігі, якія выйшлі там, прызнаныя “экстрэмісцкімі матэрыяламі”. Частка арганізацый аднавіла дзейнасць за мяжой, там жа ўзнікаюць новыя беларускія выдавецкія ініцыятывы.
СБП таксама дзейнічае за мяжой як міжнародны Саюз беларускіх пісьменнікаў (МСБП).
- ГрамадстваКолькасць атрымальнікаў навуковай ступені ў 2024 годзе вырасла на 3,5% — даныя ВАК (падрабязна)Матэрыял даступны толькі падпісчыкам ПОЗІРК+
- Грамадства, Эканоміка
- ЭканомікаУ 2024 годзе Беларусь набыла за мяжой тавараў на 5,4 млрд долараў больш, чым прадала (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаЦіханоўская сустрэнецца з прэм'ерам, спікерам парламента, кіраўніком МЗС АлбанііМатэрыял даступны толькі падпісчыкам ПОЗІРК+
- Эканоміка
- Грамадства
- Палітыка
- Грамадства, ПалітыкаХроніка палітычных рэпрэсій за 4 лютага 2025 годаМатэрыял даступны толькі падпісчыкам ПОЗІРК+
- Грамадства, Палітыка
- Палітыка
- Грамадства
- Грамадства, Палітыка
- Грамадства, Палітыка
- Палітыка
- Палітыка
- ЭканомікаКолькасць нанятых на дадаткова ўведзеныя працоўныя месцы за пяць гадоў зменшылася амаль удваяМатэрыял даступны толькі падпісчыкам ПОЗІРК+
- Палітыка
- Палітыка
- ГрамадстваПаводле хадайніцтва пракуратур суды сістэматычна выносяць рашэнні аб абмежаванні дзеяздольнасці грамадзянМатэрыял даступны толькі падпісчыкам ПОЗІРК+
- Выбары, Палітыка
- Палітыка
- Грамадства, Палітыка
- Палітыка
- Грамадства
- Грамадства, Палітыка
- Палітыка, Эканоміка
- Палітыка, Эканоміка
- Эканоміка
- Грамадства, Палітыка
- Грамадства, Палітыка