Экс-старшыня “Зялёных” Кучук застаецца за кратамі пасля затрымання 16 лютага
20 сакавіка, Позірк. Былы старшыня дэ-юрэ ліквідаванай Беларускай партыі “Зялёныя” Дзмітрый Кучук застаецца ў няволі пасля затрымання 16 лютага, 20 сакавіка яму споўнілася 50 гадоў.
Пра гэта паведаміў на сваёй старонцы ў “Фэйсбуку” лідар ліквідаванай уладамі Беларускай сацыял-дэмакратычнай партыі (Грамада) Ігар Барысаў.
“На суткі Дзмітрый трапіў, калі пайшоў ускладаць кветкі і запальваць лампадку да амбасады Расіі ў дзень смерці Навальнага. Не мог стрымаць свой унутраны запал, каб не зрабіць гэта. Там і затрымалі”, — напісаў Барысаў.
Паводле яго слоў, вызвалення Кучука чакалі 17 сакавіка — па заканчэнні 30 сутак арышту, аднак гэтага не адбылося і “родныя не ведаюць, дзе ён і што з ім”.
Як паведаміў 16 лютага тэлеграм-канал БСДП (Грамада), пры затрыманні Кучук “паспеў паведаміць, што каля расійскай амбасады знаходзіцца шмат супрацоўнікаў АМАП”.
Пасля затрымання палітыка даставілі ва УУС Цэнтральнага раёна Мінска. У чым яго абвінавацілі невядома.
Лябедзька: Маюцца ўсе падставы пераймацца за далейшы лёс палітыка Дзмітрыя Кучука
17 лютага, Позірк. Былы старшыня дэ-юрэ ліквідаванай Беларускай партыі "Зялёныя" Дзмітрый Кучук, затрыманы напярэдадні ў Мінску, стаў сёмым партыйным лідарам за кратамі, адзначыў у "Парламенцкім канале" дарадца дэмакратычнага лідара Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька. Ён нагадаў, што …