СПЧ ААН працягнуў мандат спецдакладчыка па Беларусі

5 красавіка, Позірк. Савет па правах чалавека ААН на пасяджэнні 55-й сесіі ў Жэневе 4 красавіка 24 галасамі “за” пры 6 “супраць” і 17 устрыманнях прыняў рэзалюцыю “Становішча ў галіне правоў чалавека ў Беларусі”.
У ліку іншага, Савет пастанавіў падоўжыць мандат Спецыяльнага дакладчыка па пытанні аб становішчы ў галіне правоў чалавека ў Беларусі “на адзін год, пачынаючы з канца сваёй 56-й сесіі” (гэта значыць да 12 ліпеня 2025 года. — “Позірк”.) і папрасіў яго”працягваць сачыць за развіццём падзей і выносіць рэкамендацыі аб шляхах умацавання павагі, абароны і ажыццяўлення правоў чалавека ў Беларусі, праводзіць кансультацыі з усімі зацікаўленымі бакамі, уключаючы грамадзянскую супольнасць у Беларусі і за яе межамі”.
Спецдакладчык прадставіць даклад аб становішчы ў галіне правоў чалавека ў Беларусі СПЧ на яго 59-й сесіі (лета 2025 года) і Генеральнай Асамблеі ААН на яе 80-й сесіі (восень 2025 года).
СПЧ ААН пастанавіў ў тэрміновым парадку стварыць групу з трох незалежных экспертаў па становішчы ў галіне правоў чалавека ў Беларусі. У яе мандат будзе ўваходзіць правядзенне расследавання і ўстанаўленне фактаў, акалічнасцей і карэнных прычын усіх меркаваных парушэнняў і ўшчамленняў правоў чалавека і парушэнняў, учыненых у Беларусі з 1 траўня 2020 года.
Група будзе займацца “зборам, абагульненнем, забеспячэннем захаванасці і аналізам доказаў такіх парушэнняў і ўшчамленняў і, па магчымасці, выяўляць вінаватых з мэтай правядзення адпаведных судовых і іншых разбораў, уключаючы крымінальны пераслед у судах і трыбуналах, якія валодаюць адпаведнай юрысдыкцыяй” і “у прыватнасці, у стаўленні мер па прыцягненні да адказнасці”, з тым каб “пакласці канец беспакаранасці”.
Мандат спецдакладчыка па пытанні аб становішчы ў галіне правоў чалавека ў Беларусі заснаваны ў 2012 годзе і з тых часоў штогод падаўжаецца. З лістапада 2018 года пасаду займае Анаіс Марэн (Францыя).
Падрабязнасці даступныя падпісчыкам “Позірк+”
- Грамадства, Палітыка
- Палітыка, Эканоміка
- Эканоміка
- Эканоміка
- ЭканомікаАдмоўнае сальда знешняга гандлю таварамі перавысіла 3 млрд долараў (падрабязна)Матэрыял даступны толькі падпісчыкам ПОЗІРК+
- ГрамадстваBySol выключаны з Міжнароднага гуманітарнага фонду, але можа падаваць у яго заяўкі як гасцявая арганізацыяМатэрыял даступны толькі падпісчыкам ПОЗІРК+
- Палітыка
- Грамадства, Палітыка
- Грамадства, Палітыка
- Грамадства, Палітыка
- Грамадства
- Грамадства, Палітыка
- Эканоміка
- Грамадства, ПалітыкаАд пачатку прэзідэнцкай кампаніі 2020 года палітвязнямі было прызнана больш за 4 тыс. чалавек — ШыянокМатэрыял даступны толькі падпісчыкам ПОЗІРК+
- Грамадства, Эканоміка
- Грамадства, ЭканомікаУ жніўні колькасць занятых у эканоміцы Беларусі вырасла на 8,2 тыс. чалавек (падрабязна)Матэрыял даступны толькі падпісчыкам ПОЗІРК+
- АнонсыАнонсы падзей на 26 верасня — 15 лістапада 2025 годаМатэрыял даступны толькі падпісчыкам ПОЗІРК+
- Бяспека, Палітыка
- Бяспека, Палітыка
- Палітыка, Эканоміка