У сакавіку на аб’ектах АПК выяўлена каля 2,5 тыс. парушэнняў аховы працы
10 красавіка, Позірк. Каля 2,5 тыс. парушэнняў патрабаванняў па ахове працы выяўлена ў сакавіку на аб’ектах аграпрамысловага комплексу, паведамляе профільны дэпартамент Мінпрацы і сацабароны.
Для кантролю выканання правілаў бяспекі на аб’ектах АПК ва ўсіх раёнах арганізаваныя “рэйды мабільных груп” райвыканкамаў з удзелам дзяржаўных інспектараў па працы, гаворыцца ў паведамленні.
Удакладняецца, што ў мінулым месяцы праведзена каля 250 маніторынгаў у сельскагаспадарчых арганізацыях.
Асноўнымі парушэннямі з’яўляюцца “эксплуатацыя транспартных сродкаў і іншага абсталявання без ахоўных агародж частак, якія рухаюцца (верцяцца)”; допуск да працы супрацоўнікаў, не навучаных тэхніцы бяспекі; выпуск на лінію транспартных сродкаў без праходжання тэхнічнага агляду; “незазабеспячэнне ўстаноўкі супрацьадкатных упораў пад колы тэхнікі” пры яе тэхабслугоўванні і рамонце; праца супрацоўнікаў без сродкаў індывідуальнай абароны; эксплуатацыя “самаробных драўляных прыстаўных лесвіц, збітых цвікамі”.
У сувязі з парушэннямі, адзначае дэпартамент ведамства, прыпынялася праца 80 станкоў, машын і іншага вытворчага абсталявання, эксплуатацыя якіх стварала пагрозу жыццю і здароўю работнікаў.
З-за ігнаравання інструктажоў па ахове працы, медаглядаў, адсутнасці сродкаў індывідуальнай абароны адхіляліся ад працы звыш 400 чалавек.
Мінсельгасхарч: Да пасяўной прыцягнута каля 3 тыс. гараджан, траціна з іх — студэнты
7 красавіка, Позірк. Немалаважным пытаннем у пасяўной кампаніі з'яўляюцца кадры, заявіў 7 красавіка ў эфіры тэлеканала "Беларусь 1" міністр сельскай гаспадаркі і харчавання Сяргей Барташ. "Сёння да работ прыцягнута больш за 2 тыс. спецыялістаў-механізатараў з гарадскіх прадпрыемстваў, — сказаў кіраўнік …
