Палітвязнямі прызнана яшчэ 11 чалавек

17 красавіка, Позірк. Палітвязнямі прызнана яшчэ 11 чалавек, цяпер іх у Беларусі 1.391, паведамляе праваабарончы цэнтр “Вясна”.

Палітвязнямі прызнаныя: Уладзімір Марозаў (прыгавораны да пазбаўлення волі паводле арт. 130, 342, 361, 369, 368, 367, 2031, 3614 КК — тэрмін невядомы), Сяргей Чыжэўскі (2 гады 8 месяцаў паводле арт. 130, 342, 368, 367), Уладзімір Варашэня (пазбаўленне волі паводле арт. 130, 366, 369, 368, 367), Віктар Новік (13 гадоў паводле 3611, 130, 356, 179, 377, 352, 3021, 3614, 426), Уладзімір Журомскі (12 гадоў паводле арт. 3611, 130, 356, 179, 377, 352, 3021, 3614, 426), Віктар Баркет (пазбаўленне волі паводле арт. 370, 368, 368, 130), Ігар Федарэнка (пазбаўленне волі паводле арт. 342, ч. 3 арт. 361, 368, 130), Аляксандр Вітухноўскі (пазбаўленне волі паводле арт.342, 368, 130).

Праваабаронцам таксама стала вядома аб заключэнні пад варту Сяргея Буната (ч. 3 арт. 361 КК), Вольгі Лоцманавай (затрыманая ў ліку іншых людзей, звязаных з ініцыятывай прадуктовай дапамогі сем’ям палітвязняў) і Андрэя Зайкова паводле арт. 130.

“Ацэньваючы ўсе гэтыя выпадкі крымінальнага пераследу, мы прыходзім да высновы аб існаванні ў кожным з іх палітычнага матыву пераследу абвінавачаных”, — адзначылі праваабаронцы.

Заяву з патрабаваннем вызвалення палітвязняў і спынення рэпрэсій, акрамя “Вясны”, падпісалі “Прававая ініцыятыва”, Lawtrend, Беларуская асацыяцыя журналістаў, Беларускі дом правоў чалавека імя Барыса Звозскава, Беларускі Хельсінкскі камітэт.

Даведка “Позірка”:

арт. 130 Крымінальнага кодэкса — распальванне расавай, нацыянальнай, рэлігійнай альбо іншай сацыяльнай варожасці або варажнечы;

арт. 179 — незаконнае распаўсюджванне звестак аб прыватным жыцці, якія складаюць асабістую таямніцу іншай асобы, без яго згоды, што пацягнула прычыненне шкоды правам, свабодам і законным інтарэсам пацярпелага (з дзеючай рэдакцыі Крымінальнага кодэкса выключана);

арт. 2031 — незаконныя дзеянні ў дачыненні да персанальных даных;

арт. 302 — парушэнне правілаў вытворча-тэхнічнай дысцыпліны, правілаў бяспекі на выбухованебяспечных прадпрыемствах або ў выбухованебяспечных цэхах альбо правілаў бяспекі выбухованебяспечных работ;

арт. 342 — арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх;

арт. 352 — неправамернае завалоданне камп’ютарнай інфармацыяй;

арт. 356 — здрада дзяржаве, у рэдакцыі ад 9 студзеня 2019 года;

арт. 361 — заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь;

арт. 3611 — стварэнне экстрэмісцкага фарміравання альбо ўдзел у ім;

арт. 3614 — вярбоўка, іншае ўцягванне асобы ў экстрэмісцкую дзейнасць, навучанне, садзейнічанне экстрэмісцкай дзейнасці;

арт. 366 — гвалт альбо пагроза ў дачыненні да службовай асобы, якая выконвае службовыя абавязкі;

арт. 367 — паклёп у дачыненні да прэзідэнта;

арт. 368 — абраза прэзідэнта;

арт. 369 — абраза прадстаўніка ўлады;

арт. 370 — здзек над дзяржаўнымі сімваламі;

арт. 377 — крадзеж, знішчэнне, пашкоджанне альбо ўтойванне дакументаў, штампаў, пячатак — крадзеж бланкаў;

арт. 426 — перавышэнне ўлады або службовых паўнамоцтваў.